Xilli maalinimadii shalay ahayd uu madaxweynaha maamulka Puntland Dr.
C/weli Maxamed Cali Gaas uu soo magaacabay gollihiisa wasiirada ayaa
waxaa arintaasi ka hadlay isla markaasna cabasho iyo banaan baxyo ka
sameeyeey qaar kamid ah beelaha degga deegaano ka tirsan gobolka Bari.
Banaanbax aad u balaaran oo maanta ay ka sameeyeen gudaha magaalada Boosaaso ee xarunta gobolka Bari odayaasha, waxgaradka iyo dhalinyarada beelaha Cali Jabraahiil iyo Sawaakhroon gudaha
magaaladaasi ayaa waxa ay kaga cabanayeen waxa ay ugu yeereen takoor
iyo mudnaan la'aan uga timi madaxweynaha maamulka Puntland Dr. C/weli Maxamed Cali Gaas.
Banaanbaxan oo ahaa mid balaaran ayaa waxay ku dhawaaqayeen dad weynihii kasoo qayb galay hadalo lidi ku ah xukuumadda cusub ee
maamulka Puntland iyo madaxweynaha maamulkaasi Dr. Gaas, iyagoona sheegay in uu kasoo magacaabay beelahaasi mas'uuliyiin aan ku
haboonayn xilal aysan u qalmin.
Qaar kamid ah dhalinyaradii iyo odayaasha maanta banaan baxani soo
qaban qaabiyey oo warbaahinta la hadlay ayaa si kuluul u dhaliilay
xukuumadda cusub ee madaxweyne Gaas.
BAARGAAL.NET
Isha wararka horumarka deegaanada calbari