Nabaoon Buruuj Cali Axmed oo kamid ah
Nabadoonada Deegaanka Baargaal iyo Gobolka Garadafuu ayaa kahadlay shirka
wadatashiga puntland ee dhowaan kadhici doona magaalada gaalkacayo iyo
weliba maamulka loo samaynaayo gobolada dhexe ee soomaaliya .
Nabadoon Buruuj Cali Axmed oo la hadlay Warbaahinta ayaa sheegay in ay lagama maarmaan tahay in puntland 17 sano kadib isugu timaado arimeheeda si horay loogu sii socdo loona saxo wixii qaldamay intii puntland jirtay
Nabadoonka Ayaa asagoo Hadalkiisa Sii wata Yiri
"Waxaynu soo marnay waqti inoogu filan
waayo argnimo maanta wax keen iskaga khaldamaaya ma jiraan waxaa
horay u jiray 1998 dii wax yaabo badan oo mugdi ku jiray"
Gudiga qabanqaabadu waa inay si taxdar leh u xulaan dadka ka
qayb galaya shirka oo reer Puntland u wada dhanyihiin ka qayb galka
shirka iyadoo la tixgalinayo deegaan
kasta wuxuu mudanyahay ayuu yiri nabadoonku .
Nabadoon Buruuj Cali Axmed oo hadalkiisa sii wata ayaa yiri
"Dadka ka qayb galaya shirka waa inay
noqdaan dad fahamsan puntland marxaladihii ay soo martay iyo waxa ay ku
sugantahay waqtigan waana in qayb wayn laga siiyaa odayaasha
dhaqanka sida isimada iyo nabadoonada"
Nabadoonku wuxuu xusay in xiligii puntland la dhisayay degaano badan aysan helin xaqii ay puntland ku lahaayeen laakiin ay ku sabrayeen ilaalinta midnimada iyo magaca puntland maantana la gaaray xiligii ay heli lahaayeen xaqoodii .
Wuxuu kale oo nabadoonku ka hadlay dhismaha maamul ka gobolada dhexe wuxuuna yiri nabadoonku waxaan soo dhowaynaayaa deegaan walba oo soomaaliyeed in uu helo maamul u adeega si ay u helaan kala danbayn ugana baxaan fawdada.
Koonfurta mudug iyo galguduud waa inay maamul samaystaan kana haraan hanqaltaaga woqooyiga mudug oo ah qayb ka mid ah puntland hadii ay sidaasi yeelaan waynu taageeraynaa walaaleheen waana soo dhawaynaynaa ayuu kudaray nabadoonku.
Isha wararka Horumarka calbari
nagala soo xirii: Baargaal@gmail.com