Suugaanta Calbari

Waxaan qaybtan Ugu Tala Galnay Inaan Ku ururinyo , kuna soo gudbino Suugaanta Faraha Badan ee Abwaanada ka soo jeeda Degaanada Calbari

Waxaa jira gabayo iyo Maansooyin  badan oo aad dhegaysato lakiin aadan aqoon Abwaanka Curiyay , waxaan Qaybtan ku raad raacaynaa abwaanadii hore iyo suugaantoodii si aan uga ilaalino in cid kale Sheegato 


Waxaan ka codsanaynaa cidii wax ku soo Kordhin karta Qaybtan Inay nagala soo xiriirto Email:webmaster@baargaal.net 

Abwaan Abshir Maxamud (Xiniinya Cade )

Dhexmar Gabaygu waa leeyahe aan dhabaha raacsho

Dhanka Gurical Dheefo iyo casayr Dhaadhaayada Fooge

Dunida Dhamaanteed Abaar Lala Dhawaaqaayo

Dhidig iyo labood xoolaha lagu dhibtoodaaye

Naga Sug Gabaygoo Dhamaystiran 

Abwaan Idriis Saalax Bari iyo Gabaygii DARDAARAN

Eegiyo ayaantii dagmadan baxay iftiinkeedu

Umad wada jirtiyo waxa dagnaa duul is aaminaye

Akhlaaq xumada boob kiyo dhacuna kama abuurayne

Waa meel islamnimada guud lagu ilaahsaaye

Waa meel is qaadqaadka iyo kirib la aasaaye

Waa meel an axad loola tagin ab iyo laan sheege

Waa meel agoontiyo miskiin loo asxaan falo e

Waa meel la intitaabiyaa kii itaal darane

Waa meel intii ehel ah iyo xidid la eegaayee

Waa meel bad lagu aaminiyo buur udgoon badane

Waa meel anwaacdii kaluun la akalaayaaye

Waa meel nin iyo aaladii lagu adeegtaaye

Waa meel iliilaha biyuhu oogo marayaane

Waa meel dhir ubax saaran yahay doog ku aragtaaye

Waa meel ugaartii indhuhu ku istareexaane

Waa meel astaan looga dhigay iibka maydiga e

Waa meel irmaan geella iyo ari la maalaaye

Waa meel anfaco saad rabtoba uga helaysaaye

Waa meel awow iyo awow laga asaasnaaye

Waa meel la wada ooli jiray isiradeeniiye

Waa meel abtiris loogu iman dir iyo daaroode

Aqal lagu nastaa weeye iyo meel amaan badane

Waa meel uluuf iyo uluuf laga irsaaqaaye

Waa meel ayaan badan hadaan lays inkirihayne.

Naga Sug Gabaygoo Dhamaystiran