December 11, 2018

Xoghayaha Guddoonka Golaha Shacabka Oo Sheegay Inuu Jabay Mooshinkii Laga Keenay Madaxweyne Farmaajo (Akhriso)

Xoghayaha Guddoonka Golaha Shacabka Oo Sheegay Inuu Jabay Mooshinkii Laga Keenay Madaxweyne Farmaajo (Akhriso)



Mooshinkii Hindisaha Xil ka qaadista Madaxweynaha Jamhuuriyadda Federaalka Soomaaliya eeloo gudbiyay Guddoomiyaha Golaha Shacabka 9kii bishan ayaa jabay keddib markiiay caddeymo qoraal ah soo gudbiyeen 14 xildhibaan oo ku saxiixnaa kuwaas oo kutilmaamay in lagaga been abuurtay.
Xoghayaha Xafiiska Guddoonka Golaha Shacabka MudaneCabdikariim Xaaji Cabdi Buux ayaa saaka warqad uu u diray Guddoomiyaha iyolabadiisa Ku Xigeen ku xaqiijiyay in tirada rasmiga ah ee soo gudbisaymooshinka uu yahay 78 xildhibaan, sidaas darteedna uusan ahayn mid Golaha lahorgeyn karo.

Mudane Guddoomiye, aniga oo gudanaya waajibkayga ah masuulka maamul ahaan golaha ugu xilsaaran xaqiijinta dukumintiyada Golaha, tirada qoraallada saxiixyada, soojeedinta naloo soo gudbiyay oo dhammaa 92 (sagaashan iyo labo)haddii laga jaro 14 (afar iyo toban), waxaa kusoo haraya Hindisaha 78(toddobaatan iyo sided). Haddaba tirada xildhibaannada kusoo haraya Hindisahanee xaqiiqda ah ma buuxinayo tiradan uu qodobka 92aad, farqada 2aad ee DastuurkaKMG oo sharciyeedu ansax ku noqon karto saddex meelood meel.”

Bishii March ayay aheyd
mooshinkii laga keenay Guddoomiye Jawaari in markii hore la sheegay in
Mooshinka jabay, kana laabteen xildhibaanada, balse dhinaca kale ee Mooshinka
waday ku adkeysteen in aanu mooshinka jabin, uuna yahay mid sax ah, waxaana is
jiid jiid badan iyo qalalaaso uu galay Baarlamaanka uu sababay inuu is casilo
Guddoomiyihii hore Mr Jawaari.
Eng. Camey Oo Ka Laabtay Dacwadii uu Ka Gudbiyay Madaxweynaha Puntland (Akhriso)

Eng. Camey Oo Ka Laabtay Dacwadii uu Ka Gudbiyay Madaxweynaha Puntland (Akhriso)


Madaxweyneku xigeenka Dowladda Puntland C/Xakiin Xaaji Cumar Cameey, ayaa ka laabtaydacwad saaka loo ballansanaa oo uu ka gudbiyey Madaxweynaha Dowladda Puntland Dr.C/weliMaxamed Cali Gaas.
Qoraal Kasoo Baxay Xafiiska Madaxweyne
Ku-xigeenka Dowladda Puntland Eng. Camey, ayaa lagu War-geliyay Qareenadiisa
iyo Maxkamadda Saree e Dowladda, inuu ka Laabtay Dacwadii uu Gudbiyay.
Eng. Camey ayaa la laabashada
Dacwadda ku Sheegay in isaga oo xeerinaya daruufaha jira uu go’aansaday in uu
ka laabto dacwadda loo ballansanaa maanta.
Dacwadan uu Ka Laabtay
Madaxweyne Ku-xigeenka Dowladda Puntland, ayaa la xiriirtay khilaaf ka dhashay
Guddiga Ansixinta Iyo xallinta khilaafka Baarlamaanka Cusub ee 2019-ka, Kaas uu
dhawaan Magacaabay Madaxweynaha Dowladda Puntland Dr. C/weli Gaas, Iyadoona uu Eng.
Cameey ku dooday in aan lagala Tashan.
Akhriso Waraaqda Dacwad la LaabashadaEe Madaxweyne Ku-xigeenka Dowladda Puntland.



December 08, 2018

Sawiro : Ri' ilmo ku qaloocdeen oo qalliin lagu sameeyay

Sawiro : Ri' ilmo ku qaloocdeen oo qalliin lagu sameeyay


Adeegyada caafimaadka ee laga heli karo dalka Soomaaliya aad ayay u yaryihiin, manaba kusii jiraan xoolaha nool oo inta badan u dhinta daryeel la'aan caafimaad iyo xanuunada faafa.
Balse ri' ku nool magaalada Muqdisho ayaa nasiib u heshay in lagu sameeyo qalliin dhif iyo naadir ah, taas oo lagu kala badbaadiyay nafteeda iyo labo ilmo oo ay caloosha ku sidday.
Sida uu BBC-da u sheegay Dr Cabdiraxmaan Barre Dubbad oo ku taqasusay cudurada xoolaha, neefkan ariga ah ayaa ku sugnaa xero lagu magacaabo Somali Bovin Genetics oo lagu bac-rimiyo xoolaha, kadibna waxaa dhacday in muddo 8 saacadood uu fool ahaa neefka, ilmihiina ka iman waayeen.

Wixii ka badan 2 saacadood oo fool ah, markaas dhib ayaa jira, markii aan imidna waxaan ogaaday in ilmuhu ku qaloocdeen, kadib waxaan go'aan ku gaaray in aan qalliin sameeyo" ayuu yiri dhaqtarka oo sidoo kale la shaqeeya xeradan xoolaha lagu naaxiyo.
Dr Dubbad waxa uu sheegay in qalliinka ka hor ay ri'da siiyeen dawada dajisada loo yaqaano oo neefka ka celisa in uu rafasho sameeyo, kadibna bartii laga qali lagaa ayaa lagu durey irbadda kabuubisada.

"Qalliinka kadib waxaa siinay dawooyin kala duwan oo isugu jira xanuun baabiyeyaal iyo qalajisooyin, kuwaas oo soconaya muddo 3 maalmood ah, kadibna xariggii tolmada ayaan ka fureynaa, neefkana sidaas ayuu ku reysan" ayuu yiri dhaqtarka.
Ri'dii waxa ay dhashay labo ilmo oo midya yahay orgi, midna waxar, kuwaas oo caafimaadkoodu heer sareeyo.

Caafimaadka Xoolaha

Dr Dubbad ayaa waxa uu sheegay in uu horey usoo sameeyay illaa 40 qalliin oo xoolo ah, kuwaas oo badankood ka dhacay magaalada Sheekh ee waqooyiga dalka.
"Dadka kuma baraarugsana in xanuunada haysta xoolahooda wax laga qaban karo, waxaanan tuhmayaa in xoolo badan ay daryeel la'aan ay u dhintaan, anaga ka dhaqaatiir ahaan waxaan wax ka qaban karnaa dhibaato kasta oo neefka soo food saarta, xitaa haddii uu jabo waan kabi karnaa" ayuu yiri dhaqtarka.
Ma jiro isbitaalo u gaar ah xoolaha, waxaana aad u yar daryeelka caafimaad ee xoolaha loo fidiyo marka laga reebo tallaal ay sameeyaan hay'adaha samofalka qaarkood.

Xigasho: BBC Somali

December 07, 2018

Akhriso: Heshiis rasmi ah oo laga gaaray colaaddii Dhummay

Akhriso: Heshiis rasmi ah oo laga gaaray colaaddii Dhummay


Shirkii Nabadeynta beelaha Bah-hararsame iyo Qayaad ee ka socday magaalada Jigjiga ee xarunta dowlad degaanka Soomaalida Ethiopia ayaa lagu gaaray heshiis rasmi ah oo ka kooban 7 qodob.
Shirkan ayaa dowlad degaanka Soomaalida  Ethiopia  u xil-saartay guddi ka kooban 25 xubnood oo ay weheliyaan  ergo min 21qof ah oo ka kala socotay labada beelood ee colaaddu u dhexaysay,waxaana ka soo baxay qodobadan hoos ku xusan:

1: In la bixiyo dhamaan wixii mag ah ee labadan beelood ay isu gaysteen oo ah 170 qof , lagana dulqaado culayska magtan . Waxaaana bixinaya Beel waynta Daarood .
2: Mudada lagu bixinayo magtanina waa 12 bilood ama sanad
qofkii Waxaa la xisaabinayaa 50 halaad.
3: Dhaawac labada beelood waxaa loo xilsaarey in ay soo xaqqaan Gudiga Culimada gobolka Sool , mudada ay howshaa ku soo dhamaynayaana waa 6 bilood gudeheed.
4:Wixii khasaare guryo la gubey iwm waxaa loo dirayaa guddi howshaa soo qiimeeya .
5:Beel Waynta Bahrarsame Waxaa lagu ganaaxay in ay bixiso 200 oo Halaad iyo $48,000  oo duug ah mudada ay ku bixinayso 200 ee halaad waa 6 ilood lacagta duugta ahna waa 20 maalmood .
6: Beelwaynta Cabdi Garaadna (Qayaad ) Waxaa lagu ganaaxey inay bixiso 50 halaad oo geel ah , mudada ay ku bixinaysona waa 6 bilood , iyo 21,000 $ oo duug ah , iyana ay ku bixin doonto mudo 20 maalmood .
6: In Beeshii danbe ee jabisa heshiiska ama weerar qaada lagu ganaaxo 100,000 $ (Boqol kun oo dollar ) .
7:In la sameeyo socdaalo wacyi gelin nabadeed oo la dhex maro dhamaan deegaanadii ay wax ka dheceen kuwa kaleba .
Shirka heshiisiinta beelaha Qayaad iyo Bah-hararsame oo socday in ka badan 20 cisho ayaa waxaa ka qeyb galay qaar kamid ah isimada ugu faca-weyn geyiga Soomaalida oo ay  ku jiraan  Islaan Ciise Islaan Maxaamed iyo garaadka guud ee dowlad degaanka Soomaalida,waxaana sidoo kale kaalin muhiim ah ka qaatay madaxweynaha DDS Mustafe Muxumed Cagjar.
Dagaallo qaraar oo 21-kii ilaa 23-kii bishii October ee sannadkaan ka dhacay degaanka Dhummay ee koonfurta gobolka Sool ayaa geystay khasaare ballaaran oo naf iyo maalba leh kaasoo kala gaaray labada beelood oo halkaasi ku dagaallamay,hase yeeshe isimada Dhaqanka Puntland iyo dowlad degaanka Soomaalida ayaa si deg deg ah uga hawlgalay joojinta colaaddaasi oo marar horena  soo noq-noqotay.

December 06, 2018

Guddiga ansixinta iyo xallinta khilaafaadka oo soo saaray shuruucaha laga rabo Xildhibaannada cusub

Guddiga ansixinta iyo xallinta khilaafaadka oo soo saaray shuruucaha laga rabo Xildhibaannada cusub


Guddiga xallinta khilaafaadka iyo ansixinta Baarlamanka Puntland ee uu magacaabay madaxweyne Gaas ayaa maanta shaaciyay shuruudaha looga mid noqon karo Baarlamaanka iyo jadwalka la qabanayo araajida xubnaha u tartamaya Golaha wakiilada cusub.

Shuruudaha oo sida guddigu sheegay laga tixraacay Dastuurka dowladda Puntland ayaa waxay kala yihiin.
  1. In uu yahay muwaadin Puntland ah, muslim ah, guta waajibaadka diiniga ah, xilkas ah, anshax wanaagsan, miyirkiisu dhanyahay, da’diisu aanay ka yareyn 30 sano.
  2. In aan xuquuqdiisa muwaadinimo xukun maxkamadeed lagaga laalin, 5-tii sano ee la soo dhaafay.
  3. In uu leeyahay aqoon dugsi sare ama waayo aragnimo u dhiganta.
  4. In uu keensado habraacii soo xulista xubinnimada xeerkiisa.
  5. In uu keensado shahaado dugsi sare iyo wax u dhigma.
  6. In uu keensado labo sawir iyo taariikh nolaleedkiisa.
Guddiga ayaa dhinaca kale sheegay in qabashada araajida dadka doonaya xubinnimada Baarlamanka ay bilaabanayso 10 bishan December,kuna egtahay 15 isla bishan December.

December 05, 2018

Wiil 7 jir ah oo sanad gudihiis barta Youtube ka uga sameeyey 22 Milyan oo dollar (Daawo Sawirro)

Wiil 7 jir ah oo sanad gudihiis barta Youtube ka uga sameeyey 22 Milyan oo dollar (Daawo Sawirro)


Wiil 7 sanno jir ah oo ka faallooda qalabka ay carruurta ku ciyaaraan ayaa la sheegay inuu noqday qofka lacagta ugu badan ka sameeyay sanadkan barta Youtube sida ay qortay majalladda Forbes.
Ryan ayaa ka sare maray dadka Youtube-ka caanka ka ahaa sida ninka lagu magacaabo Jake Paul kaasoo uu ka sareeyay lacag dhan nus malyuun dollar.
Waxaa kaalinta seddexaad soo galay Dude Perfect, isagoo hela lacag dhan $20 milyan dollar.
Wiilkan oo la weydiiyay sababta kanaalkiisa ay caruurta u jecelyihiin ayaa sheegay inuu madadaaliyo ayna ka heleen majaajiladiisa.
Sanadkii 2015-kii ayuu kanaalkiisa sameeyey wiilkan yar muuqaalada qaarna waxaaba la daawaday 26 milyan oo jeer, waxaana ku xiran 17.3 milyan oo qof.



December 03, 2018

Madaxweyne Gaas oo magacaabay gudiga ansixinta iyo xalinta khilaafaadka Baarlamaanka Puntland

Madaxweyne Gaas oo magacaabay gudiga ansixinta iyo xalinta khilaafaadka Baarlamaanka Puntland


Madaxweynaha Puntland Dr Cabdiweli Maxamed Cali Gaas ayaa maanta magacaabay Gudiga ansixinta iyo xalinta khilaafaadka golaha wakiilada dowlada Puntland.
Gudiga ansixinta iyo xalinta khilaafaadka golaha wakiilada Puntalnd ee uu magacaabay madaxweyne Gaas ayaa ka kooban 8 xubnood waxaana gudoomiyaha u ah Caaqil Cismaan Ismaaciil Barre halka xoghayn uu yahay Maxamed Cabdiqaadi Xuseen sida ku xusan wareegtada kasoo baxday xafiiska madaxweynaha.
Gudiga uu madaxweyne Gaas magacaabay ayaa maalmihii lasoo dhaafay si weyn loo dhursugayay iyadoona qaar kamid ah musharixiinta xilka madaxweyne ee Puntland ay ka digeen in gudigan ay ku lug yeeshaan arimaha siyaasada kana agdhawaadaan xukuumada uu wakhtigeedka gaba gabada marayo.


November 25, 2018

Madaxweyne Farmaajo oo Nairobi kaga qeyb galaya Shirka Dhaqaalaha Badaha

Madaxweyne Farmaajo oo Nairobi kaga qeyb galaya Shirka Dhaqaalaha Badaha


Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo wafdi uu hoggaaminayo ayaa gaaray magaalada Nairobi ee dalka Kenya, halkaas oo ay kaga qeyb galayaan shirka dhaqaalaha badaha.

Shirkan oo socon doona muddo saddex maalmood ah ayaa laga arrinsanayaa horumarinta dhaqaalaha badaha, gaar ahaan dhinacyada la xiriira maalgashiga, sare u qaadista fursadaha shaqo ee dhallinyarada, yareynta saboolnimada, horumarinta tiknaloojiyadda kalluumaysiga, badbaadada iyo ilaalinta hannaanka caalamiga ah ee marinnada badda.

Dowladda Federaalka Soomaaliya ayaa shirkan ku soo bandhigaysa qorsheheeda la xiriira maalgashiga casriyeynta dekadaha, kobcinta dalxiiska iyo kaabeyaasha dhaqaalaha ee magaalooyin xeebeedka, maadaama Soomaaliya ay leedahay xeebta ugu dheer qaaradda Afrika.

Xukuumadda Federaalka Soomaaliya ayaa marar badan ka digtay kalluumeysiga sharci darrada ah ee badaha Soomaaliya iyo shirkadaha shisheeye ee burburkii dalka kaddib sida sharci darrada ah ugu shaqeysanayey, iyadoo haatan dib loo xoojinayo tallaabooyinka sharci ee lagaga hortagayo arrinkaas.

Madaxweyne Maxamed Cabdullaahi Farmaajo ayaa shirar doceedyo la yeelan doona qaar ka mid ah Madaxweyneyaasha iyo masuuliyiinta ka soo qeyb galaya shirka, isagoona kala hadlaya sidii Dowladda Federaalka Soomaaliya loogu gacan siin lahaa qorsheyaasha ku saabsan horumarinta kaabeyaasha dhaqaalaha iyo maalgashiga dalka.

Shirkan waxaa si wada jir ah u soo qaban qaabiyey Dowladaha Canada, Japan iyo Kenya, iyadoona ay ka soo qeyb gali doonaan in kabadan 4000 oo qof oo isugu jira mataleyaal dalal, ganacsato iyo xeeldheereyaal arrimaha dhaqaalaha iyo badda
DHAGEYSO:-Muuse Biixi”Hadaad SNM Ahayd Rag SSDF Ah Ayaa Puntland Jooga”

DHAGEYSO:-Muuse Biixi”Hadaad SNM Ahayd Rag SSDF Ah Ayaa Puntland Jooga”


Musharax Siciid Cabdullaahi Deni oo u taagan xilka Madaxweynaha Dawladda Puntland doorashada 8 Janaayo 2019, kana mid ah musharaxiinta ugu cad-cad ayaa hadal dheer ka jeediyey kulanka Deni iyo Dadweynaha Boosaaso oo ay ka soo qeybgaleen haldoorka iyo Shacabka Magaalada Boosaaso, Musharaxa ayaa ka hadlay marxaladaha ay maanta kusugan tahay Puntland-ta 20 sanno jirsatay.

Musharax Siciid Cabdullaahi Deni ayaa yiri " Puntland waxaa lagu yaqaanaa nabad , kala danbayn , iyo hogaansanaan , waxaan aad uga xumahay in Dawlada Hada joogta ay ku celceliso waa xukuumadii kaabayaasha dhaqaalaha , kaabayaasha dhaqaalaha ee dalkan ugu muhiimsan waxay ahayd dekeda boosaaso iyadana waa xirantahay "
Deni ayaa si adag ugu hanjabay madaxweynaha somaliland muuse biixi cabdi ka dib safar uu ku tagay gobolo ay puntland sheegtay in ay ka taliso.

HALKAN HOOSE KA DHAGAYSO :

November 19, 2018

DAAWO: MUSHARAX MADAXWAYNE #PUNTLAND :  C/RAXMAAN MAXAMED BANGAX  WAXAAN RABAA INAAN BADALO DHAQAN XUMADA  KA JIRA PUNTLAND

DAAWO: MUSHARAX MADAXWAYNE #PUNTLAND : C/RAXMAAN MAXAMED BANGAX WAXAAN RABAA INAAN BADALO DHAQAN XUMADA KA JIRA PUNTLAND


MUSHARAX MADAXWAYNE PUNTLAND : MUDANE C/RAXMAAN MAXAMED SAALAX (BANGAX ) 
Wasiirkii hore warfaafinta Puntland xilgii Cadde Muse Alaha U naxariistee 

wasiir Ku xigeenkii ARIMAHA GUDAHA DAwlada Federalka Soomaaliya xiligii Raisulwasaare Abdiwali 
kana mid ahaa Asaasayaashi Puntland iyo North eastern region Authority of Somalia

"Waxaan Rabaa Inaan Badalo Dhaqan Xumada Ka jira Puntland Puntland waxyabahan loo idman oo hada socda 
waa qaab Qowlaysato ah 
waa qaab aan ahayn qaabkii suubanaa ee ilaah na faray

waxaan doonayaa inaan badalo oo la dagaalamo :
1- dhaqanka Laaluushka
2- eexda xasabada tolaysiga qaraabo kiilka kali noolaashaha 
3- Danlayda gaarka ah dalka iyo dadkaba aan u shaqaynayn

Halkan Ka daawo Murashax Madaxwayne Mudane C/raxmaan Maxamed Bangax oo Ka hadlaaya arimahaas 

November 16, 2018

Kalluumaysatada maxaliga ah ee Degmada Baargaal oo ka cabanaya  maraakiib jariif xoogan ka wada xeebahooda

Kalluumaysatada maxaliga ah ee Degmada Baargaal oo ka cabanaya maraakiib jariif xoogan ka wada xeebahooda


Kalluumaysatada maxaliga ee Degmada Baargaal ee Gobolka Gardafuu ayaa Cabasho xoogan Kamuujiyay maalmahan Maraakiib Jariif ah oo Kaluumaysatada Deegaanka Dhibaato xoogan kuhaya 

maraakiibtaas jariifka ah ayaa soo dhaafay xadkii ay horay u joogi jireen ayagoo maamlman u soo gudbay   meeilihii dadka kalluumaysatada ay shabaagaha dhigan jireen  waxayna  ka burburiyeen kana jiiteen shabaagihii  iyo jilbihii iyo agabkii  kale ay kaluumaysato dhigteen xeebaha 

Yuusuf Salaad C/raxmaan oo kamid ah horjoogayaasha kaluumaysatada Maxaliga ah oo warbaahinta La hadlay ayaa Sheegay in bulshada kunool magaalada Baargaal iyo soonaheeda inay ka cabanayaan kana caraysan yihiin  jariifka oo xaalufin ba’an ku haya deegaanka  kana soo gudbay xadkii loogu talogalay oo u soo gudbay meelihii kalluumaysatada maxaliga ah ay ka jilaaban jireen, wuxuuna intaasi ku daray 

“Marka waxaan u sheegaynaa oo ka codsanaynaa dowladda iyo cidii waraaqaha soo sii-say waliba gaar ahaan wasaaradda kalluumaysiga in ay la hadasho dadkii ay wax siisay oo ay tiraahdo ka durka meelaha kalluumaysatada maxaliga ah ay ka jilaabtaan.” 

ugu danbeentii wuxuu  maamulka Puntland iyo dawlada fedraalka iyo caalamkaba  sheegay inay ka Codsanaayaan in arinkaan Si Deg deg ah Wax looga qabto. 

Maraakiibtaan Jariifka ah ayaa haatan Ku sugan Meel aad ugu Dhow Xeebta Magaalada ayadoo ifka Kabaxaaya uu kaahiyo Magaalada.

November 15, 2018

Hub Sharci darro ah oo la sheegay inay Shirkad Itoobiyaan ah ku soo daabushay Dalka Soomaaliya.

Hub Sharci darro ah oo la sheegay inay Shirkad Itoobiyaan ah ku soo daabushay Dalka Soomaaliya.


Warbaahinta Dowladda Ethiopia ayaa baahiyay in Warshad uu leeyahay military-ga Itoobiya oo lagu magacaabo Metec ay Soomaaliya u soo daabuushay hub si sharci darro ah .
Film documentary oo TV-ga Dowladda laga baahiyay ayaa waxaa uu lagu sheegay in shirkaddu ay hubka ka gansan jirtay.
Warkaan waxaa la baahiyay saacado kadib markii la xiray Madaxii shirkadaas Kinfe Dagnew oo la qabtay isagoo doonaya in uu u baxsado Wadanka Suudaan.
Suleiman Dedefo, oo ah Danjirihii hore ee Itoobiya u fadhiyay Jabuuti ayaa waxaa uu sheegay in 2016kii Shirkadda military-ga Itoobiya ee Metec ay shirkad lagu magacaabo Ethiopian Shipping Lines ka iibsatay Labo markab oo duqoobay si ay u burburiso una isticmaasho birahooda, hase ahaatee taas badalkeeda shirkaddu ay maraakiibtii u adeegsatay in ay Alaab la mamnuucay ukala daabusho Iran iyo Soomaaliya.
Danjiruhu waxaa uu sheegay in uu warqad u qoray heey’ado dhowr ah oo ay ka mid tahay Wasaradda Arrimaha Dibadda ee itoobiya balse uusan helin wax jawaab ah, BBC-da ayaa sheegtay in Warqaddu uu danjiruhu sheegay Baraha Bulshadda la wareejinayay.
Isniintiina Xeer ilaaliya guud ee Itoobiya aya waxa uu sheegay in Baaritaan lagu sameeynaya Shirkadda military-ga Itoobiya muddo Shan bil ah lagu ogaaday musuq shirkadda hareeyay.
Waxaa uu hadalkiisa ku daray in Shirkaddu ay Iin dibadda ah ka sameeysay lacag dhan $2 billion oo dollar, balse ma uusan sheegin meeshaas lacagtaas ay shirkaddu ka sameeysay ay Somaaliya ku jirto iyo in kale.
Dhanka kale waxaa la xiray 27 Sarkaal kuwaasi oo ka shaqaynayay shirkadda la sheegay inay Soomaaliya hub ku soo daabushay.

Marwo Caasho Geelle Oo Lagu Wado In Loo Magacaabo Gudoomiyaha Guddiga Doorasahada Puntland

Marwo Caasho Geelle Oo Lagu Wado In Loo Magacaabo Gudoomiyaha Guddiga Doorasahada Puntland


Iyadoo ay ka harsan tahay xiliga ay dhacayso doorashada guud ee Puntland bil iyo bar ayaa waxaa lagu wadaa in madaxweynaha Puntland Dr.cabdiweli Maxamad Cali Gaas uu magacaabo guddiga khilaafaadka Puntland.
Guddiga ayaa waxa ay ka shaqeynayaan soo xulista xildhibanadaa cusub iyo sidii ay doorsahada u dhici lahayd.
War hordhac ah oo soo gaaray warbaahinta qaat ayaa sheegay in  guddiga doorasahada Puntland loo magacaabayo Caasho Geelle oo horey xil uga soo qabatay xukuumaddii madaxweyne Faroole.
Haddii uu madaxweyne Gaas u magacaabo xilkaasi qof dumar ah ayaa waxa ay noqonaysaa markii ugu horeysay oo ay qof dumar ah xilkaasi qabato

November 14, 2018

MUSHARAX MAXAMUUD KHALIIF XASAN JABIYE OO SI WAYN LOOGU  LAGU SOO DHAWEEYAY BOSASO

MUSHARAX MAXAMUUD KHALIIF XASAN JABIYE OO SI WAYN LOOGU LAGU SOO DHAWEEYAY BOSASO


Magaalada Bosaso ayaa maanta lagu soo dhaweyey musharax Madaxweyne Puntland Eng Maxamuud Khaliif Xasan Jabiye oo ka mid ah musharixiinta u taagan xilka madaxtinimda Puntland 2019.
Boqallaal dadwayne ah oo ruuxayay Calamo iyo boorar ay ku xardhanyihiin hal ku dhigyada musharax ayaa ku soo dhaweeyay garoonka diyaaradaha ee Magaaladda Bosaso.
Waxaana sida oo kale soo dhaweyntiisa ka qeyb galay Maamulka Gobalka Bari,iyo qaar ka mid aha Saraakiisha ciidamadda dawlada .
Musharax Maxamuud Khaliif Xasan Jabiye ayaa waxa uu la hadlay dadweynihii ka qeyb galay soo dhaweyntiisa, waxa uuna sheegay in uu aad ugu faraxsan yahay soo dhaweynta uu kala kulmay magaalada Bosaso islamarkan uu kulamo la yeelan doono bulshada inta uu joogo Bosaso.
Soo dhaweynta loo sameeyey Musharax Madaxweyne Puntland Maxamuud Khaliif Xasan Jabiye ayaa si,aad ah looga dareemaya Magaaladda Bosaso ee xarunta ganacsiga Puntland.




November 12, 2018

Meydka Gabar Dhalinyaro Aheyd Oo Lagu Arkay Degmada Baraawe

Meydka Gabar Dhalinyaro Aheyd Oo Lagu Arkay Degmada Baraawe



Meydka Gabadhaan oo da’ahaan lagu qiyaasay 28 jir ayaa saakay waxaa laga helay mid ka mid ah Xaafadaha Waaweyn ee degmada Baraawe Gobolka Shabeellaha Hoose.
Ciidamo ka tirsan kuwa dowladda Soomaaliya ayaa meydka Gabadha ka soo qaaday goob la sheegay in sixun loogu dilay sida ay sheegeen dad ku sugan degmada Baraawe.
Agaasimaha guud ee isbitaalka degmada Baraawe Cabdullaahi Cabdiraxmaan Nuuraani oo la hadlay Idaacadda Voa-da ayaa sheegay in Gabadha oo meyd ah loo keenay,kadib baaritaan ay ku sameeyeen ay ogaadeen in Gabadha la kufsaday kadibna la dilay.
“Markii ana baarnay waxan ogaanay in dhowr rag ah ay gabadha kufsadeen,waxaa sidoo kale jirkeeda ka muuqday jirdil xoogan iyo in Masarkii ay wadatay lagu ceejiyay,dharkeeda qaarkood xataa waa ay ka maqnaayeen ayuu yiri Agaasimaha Isbitaalka degmada Baraawe.
Dhacdadaas ka dhacday degmada Baraawe ee Gobolka Shabeellaha Hoose aaya waxaa Maanta siweyn u hadal hayay Shacabka ku nool degmadaasi,iyaga oo aad uga naxay Gabadha dhibataada loo geystay.

November 09, 2018

Sawirro iyo xog cusub: Shabaabkii galay Hotel Saxafi oo laga adkaaday iyo wararkii ugu dambeeyey qaraxyada

Sawirro iyo xog cusub: Shabaabkii galay Hotel Saxafi oo laga adkaaday iyo wararkii ugu dambeeyey qaraxyada


Wararka naga soo gaaraya qaraxyada magaalada Muqdisho ayaa sheegaya in Shabaabkii isku dayey inay galaan hotelka Saxafi dhammaantood la wada toogtay.
Saraakiisha booliska ayaa warbaahinta u sheegay in ugu yaraan afar ka mid ah Shabaabka, oo kadib qaraxii ka dhacay banaanka galay hotel Saxafi, dhammaantood la wada toogtay.
Saraakiisha ayaa sheegay inaysan jirin dad rayid ah oo Shabaabka ay ku dileen gudaha hotelka, hase yeeshee waxaa macquul ah in qaraxa ka dhacay banaanka hotelka ay dad wax ku noqdeen.
Dhammaan dadkii hotelka deganaa ayaa laga saaray iminka, waxaana hotel saxafi ka muuqda burbur kasoo gaaray qaraxa, sida ay muujinayaan sawirro laga soo qaaday.
Labada qarax ee kale ayaa iyaguna ka kala dhacay meelo u dhow hotel Hayat iyo xarnta CID-da
Khasaaraha rasmiga ah ee qaraxyada ayaan weli la hayn. Naga filo faahfaahin dheeri ah Insha allah.


Burcad Badeed Soomalaiyeed oo lagu laayay Xeebaha Soomalaiya ..

Burcad Badeed Soomalaiyeed oo lagu laayay Xeebaha Soomalaiya ..



Dooni kaluumaysi oo laga leeyahay  dalka Taiwan ayaa sheegtay in ilaaladeeda ay toogteen Koox burcad-badeed ah meel ku dhow biyaha Soomaaliya ee Badweynta Hindiya Subaxdii Arbacadii.
Ku-xigeenka Agaasimaha Hay’adda Kalluumeysiga ee Taiwan Lin Qo-ping ayaa xaqiijiyay in Kooxdaasi la dilay ka dib markii ay doonta Weerar kusoo qaadeen xilli ay mareysay meel u dhow xeebaha Soomaaliya.
Doonta waxaa u suurta gashay in ay ka cararto goobta, iyada oo dhammaan shaqaalahihii Saarnaa ay Ammaan qabaan.

Doontaan oo lagu magacaabo Taiwan Tuna Longline Association ayaa sheegtay in burcad-badeedda Soomaalida ay xoogeystay bilihii lasoo dhaafay,islamarkaana ay dhowr jeer galeen halis ah in ay gacanta u galaan Kooxaha Burcad Badeeda Soomaalida.
Waxaa looga  digay doonyaha kalluumeysiga ah ee ka shaqeynaya badweynta Hindiya in ay ka digtoonaadaan burcad-badeedda iyo in ay ka fogaadaan biyaha u dhow Soomaaliya.
Akhriso: Colaaddii Dhummay oo heshiis horu-dhac ah laga gaaray

Akhriso: Colaaddii Dhummay oo heshiis horu-dhac ah laga gaaray


Ergo-dhaqameed ka badan 40 xubnood oo mudda15 maalmood ah ku hawllanaa nabadeynta beelo ku dagaallamay degaanka Dhummay ee koonfurta gobolka Sool ayaa qodoba horu’dhac ah ka soo saaray heshiisiinta beelahaasi.
Ergada nabadeynta oo ka kala yimid magaalooyinka Garoowe Laascaanood,Buuhoodle,Gaalkacyo iyo dowladda degaanka Soomaalida Ethiopia ayaa waxaa hoggaaaminaya;garaad Kulmiye garaad Maxamed garaad Dool garaad Wiil Waal,waxaana ay soo saareen qodobadan hoose:
1)In Xabadda la Joojjiyo si shuruud la’aan ah.
2)In labada beelood ay nabadda qaataaan
3)In gogosha xigta ee nabadeynta la dhigo magaalada Jig Jiga ee caasimadda dowlad degaanka Soomaalida Ethiopia.
5)In labada beelood iska soo xulaan min 21 Xubnood oo ergo ah.
6)Iyo in ay ku soo diyaar-garooban mudda saddex cisho ah.
Wejiga labaad ee heshiisiinta beelaha ee loo ballamay magaalada Jigjiga ayaa lagu xallinayaa wixii dhib kala gaaray labada dhinac,iyadoo loo bandhigayo shareecada Islaamka,sida ay sheegeen ergada mabadyenta.
Madaxweyne Farmaajo oo lagu soo dhaweeyay magaalada Gondar

Madaxweyne Farmaajo oo lagu soo dhaweeyay magaalada Gondar


Madaxweynaha Jamhuuriyadda Federaalka Somaliya Mudane, Maxamed C/laahi Farmaajo ayaa maanta gaaray magaalada Gondar, gobolka Baxar-daar ee dalka Itoobiya, waxaana halkaasi ku soo dhaweeyay mas’uuliyiin kala duwan.
Soo dhaweynta Madaxweynaha waxaa ka qeyb qaatay Ra’iisul wasaaraha Itoobiya Abiy Axmed iyo Madaxweynaha Eretrea Isaias Afwerki.
Ra’iisul Wasaaraha Itoobiya oo ah Hoggaamiyaha Isbadellada ka socda Geeska Afrika ayaa maanta soo xirtay dhar casaan ah oo ay xirtaan dadka Itoobiyaanka xilliyadda Nabadda.
Kulan ayaa lagu waddaa in ay yeeshaan Hoggaamiyeyaasha, waxaana ay ugu dambeyntii soo saari doonaan war murtiyeed ku aadan waxyaabihii ay ka wada hadleen.
DEGDEG: Xildhibaan ku geeriyooday Muqdisho kaddib markii qarax loogu xiray gaarigiisa

DEGDEG: Xildhibaan ku geeriyooday Muqdisho kaddib markii qarax loogu xiray gaarigiisa


Gaari Nooca raaxadda ah oo lagu soo xiray waxyaabaha Qarxa ayaa ku qarxay Iridda Hore ee Maqaayadda London Gate oo ku taalla meel u dhow Beerta Nabadda ee Magaalada Muqdisho.
Gaariga qarxay waxaa lahaa Xildhibaan Cabdiweli Maxamed Ibrahim oo ka mid ahaa xildhibaannada Hirshabeelle, islamarkaana ku dhintay Qaraxaasi oo loogu xiray gaarigiisa.
Waxaa sidoo kale Qaraxa ku dhintay Darawalkii waday gaariga.
Hal qof oo kale ayaa la xaqiijiyay in uu ku dhaawacmay Qaraxaasi uu ku dhintay Xildhibaan Cabdiweli Maxamed Ibrahim oo ka mid ahaa xildhibaannada Hirshabeelle.
Ciidamada Ammaanka dowladda Soomaaliya ayaa gaaray goobta uu Qaraxu ka dhacay, waxaana ay ku guuleysteen in ay halkaasi ka qaadaan dhaawacyo.
Allaha u naxariistee Xildhibaan Cabdiweli Maxamed Ibraahin ayaa noqonaya xildhibaankii 4aad ee ka tirsan baarlamaanka Hirshabelle oo ku dhintey qarax ama weerar ay fuliyeen Al-Shabaab.
Xildhibaanada Baarlamaanka Hirshabelle ayaa intooda badan waxa ay ku sugan yihiin magaalada Muqdisho kadib markii dhowaan ay galeen fasax labo bilood ah.

November 07, 2018

Rikoorradii iyo xaqiiqooyinkii laga diiwaan geliyay kullamadii xalay ee Champions League-ga.

Rikoorradii iyo xaqiiqooyinkii laga diiwaan geliyay kullamadii xalay ee Champions League-ga.


Group A
Atletico Madrid 2-0 Borussia Dortmund
Antoine Griezmann waxa uu noqday ciyaaryahankii ugu horreeyay ee Atletico Madrid 20-gool ugu dhaliya Champions League-ga.

Saul Niguez waxa uu Champions League-ga ka dhaliyay Sagaal gool, waa ciyaaryahanka ugu goolasha badan Champions League-ga ciyaartoyda Spanish-ka ah tan iyo bilawgii xilli ciyaareedkii 2015-16.

Monaco 0-4 Club Brugge
AS Monaco waxa ay la kullantay guuldarradeedii ugu cusleyd abid ee kasoo gaarta Champions League-ga ama European Cup.

Group B
Inter Milan 1-1 Barcelona
Gerard Pique ayaa xalay saftay kullankiisii 100-aad ee Champions League-ga.
Mauro Icardi waxa uu gool dhaliyay saddex ka mid ah afarta kullan ee taariikhdiisa Champions League-ga uu ciyaaray.
Malcom ayaa dhaliyay goolkiisii ugu horreeyay ee Barcelona dhammaan tartamada, waxaana goolkiisa koowaad uu yimid muuqashadiisii afraad.
Tottenham 2-1 PSV Eindoven
Harry Kane ayaa ka qayb qaatay 14 gool  oo isugu jirta 12-gool iyo laba caawin, 14-kii ciyaar ee uu Champions League-ga kasoo muuqday.

Group C
Crvena Zvezda 2-0 Liverpool
Liverpool ayaa markii ugu horreysay taariikhdeeda la garaacay saddex kullan oo xiriir ah oo ay Champions League-ga bannaanka kusoo ciyaareen.
Reds waxaa laga dhaliyay hal gool wax ka badan qaybta hore ee ciyaarta markii uu horreysay tan iyo October 2014 xilligaasna waxaa 3-0 ku garaacday Real Madrid ciyaar Anfield ka dhacday.
Napoli 1-1 PSG
Napoli ayaa gulldarro la’aan noqotay afar kullan oo xiriir ah tartanka Champions League-ga markii ugu horreysay taariikhdeeda.
Lorenzo Insigne ayaa ka qayb qaatay 11 gool, sagaalkii kullan ee ugu dambeysay dhammaan tartamada uu u ciyaaro Napoli.
PSG waxa ay gashay qalad rigoore loogaga dhigay sagaal jeer 13-kii kullan ee ugu dambeysay Champions League-ga kusoo ciyaaraan bannaanka.

PSG waxa ay afar kullan xilli ciyaareedkan ku heshay Shan dhibcood, waana dhibcaheedii ugu hooseeyay marka la joogo afar kullan oo Champions League ah tan iyo xilli ciyaareedkii 2004-05, xilligaasna waa ay ka hartay Group-ka.

November 06, 2018

Turkiga oo ku dhawaaqay war cusub oo ku saabsan kiiska Jamal Khaashuqji

Turkiga oo ku dhawaaqay war cusub oo ku saabsan kiiska Jamal Khaashuqji


Wasiirka arrimaha dibedda Turkiga Mevlut Cavusoglu ayaa maanta sheegay in dowladdiisa ay hayso xog cusub oo ku saabsan dilka weriyaha Sacuudiga Jamaal Khaashuqji, islamarkaana ay dadweynaha usoo bandhigi doonaan caddeymaha, kadib markii baaritaanka kiiskan lasoo geba gebeeyey.

Isaga oo ka hadlayey dalka Japan, oo uu safar ku joogo, ayaa Cavusoglu waxa uu weriyayaasha u sheegay in Turkiga ay Sacuudiga iyo dalalka kale ee danaynaya arrintan siiyeen fursad ay ku arkaan caddeymaha.

Khaashuqji ayaa geeriyooday labadii October kadib markii uu galay qunsuliyadda Sacuudiga ee Istanbul.

Cavusoglu ayaa sheegay in kadib wada-hadallo dhowr ah oo dhex maray boqor Salmaan-ka Sacuudiga iyo madaxweynaha Turkiga Erdogan, in Turkiga uu rumeysan yahay in boqorka uusan wax lug ah ku lahayn dilka.


Hase yeeshee Cavusoglu ayaa yiri inay caddahay in 15-ka nin ee Turkiga u tagey inay dilka fuliyaan aysan kaligood sameeeyeen ficilkan, sidaas darteedna baarayaasha ay doonayaan inay ogaadaan qofka amarka siiyey.

Ilaa hadda lama hayo meydka Khaashuqji, waxaana wiilashiisa oo Axadii la hadlay taleefishinka CNN ay ka codsadeen Sacuudiga inay keenaan meydka, si loogu aaso magaalada barakeysan ee Medina.

Dhinaca kale sarkaal Turkish ah ayaa u sheegay wargeyska Daily Sabah ee Turkiga in khabiir kiimiko oo lagu magacaabo Ahmad Abdulaziz al-Janobi iyo khabiir qabailsan suntan, Khaled Yahya al-Zahrani ay Sacuudiga usoo direen qunsuliyadda intii u dhaxeysay 11-kii ilaa 17-kii October, si ay u qariyaan caddeymaha dilka.
Wasiirka Waxbarashadda XFS oo la kulmay Madaxa hay’adda DFID

Wasiirka Waxbarashadda XFS oo la kulmay Madaxa hay’adda DFID


Wasiirka Wasaaradda Waxbarashada Hiddaha iyo tacliinta sare Xukuumadda federaalka Soomaaliya Mudane Cabdulahi Goodax Barre ayaa maanta magaalada Muqdisho kulan kula qaatay, madaxa hay’adda DFID ee Soomaaliya Mr, Phil Evans.
Labada dhinac ayaa ka wada hadlay siddii loo xoojin lahaa xiriirka ka dhexeeya hay’adda DFID iyo wasaaradda waxbarashada, gaar ahaan tageerada waxbarashada.
Wasiirka waxbarashada Xukuumadda federaalka Soomaaliya ayaa sheegay in madaxa DFID uu sharaxaad ka siiyay guulaha laga gaaray qorshaha mideynta manhajka, shahaadooyinka iyo imtixaanaadka.
Mr Dhil ayaa tilmaamay in dowladdiisa iyo hay’adda uu madaxda ka yahay ay ka go’an tahay siddii loo kordhin lahaa tageerada waxbarashada.
Wasiirka waxbarashada iyo madaxda hay’adda DFID ayaa isku afgartay in la sii xoojiyo iskaashiga, isla markaana farsamo yaqaanada Wasaaradda iyo DFID ay u kulmi lahaayeen siddii ay hawlaha iyo qorshayaasha ka dhexeeya uga midho dhalin lahayeen.
Mudane Cabdulahi Goodax Barre ayaa sheegay in wasaaradda ay ka go’an tahay tayeynta waxbarashada dalka iyo kor u qaadida tababarada macalimiinta.