June 17, 2019

War Deg-Dega-Madaxweynihii Hore Dalka Masar Maxamed Morsi oo Geeriyooday.

War Deg-Dega-Madaxweynihii Hore Dalka Masar Maxamed Morsi oo Geeriyooday.


Madaxweynihii xukunka laga afgambiyey ee dalka Masar, Maxamed Morsi ayaa ku dhex geeriyooday maxkamad ku taalla dalkaas oo maanta lasoo taagay, waxaa sidaas ku warramay taleefishinka dowladda ee Al-Ahram.

Sida ay lagu sheegay warbixinta Talefishinka dowladda Mursi ayaa miir daboolmay markii ay furmatay maxakamadentiisa.

Waxaa la sheegay inuusan kasoo laaban suuxdinta oo uu sidaas kusii dhintay inkastoo aysan jirin hadalo kale oo madax banaan oo muujinayo qaabka uu u dhintay.

Sida qorshaha ahaa Shalay oo Axad aheyd ayaa loo ballansanaa maxkamadenyiisa balse waxaa dib loogu dhigay Maanta oo Isniin ah.

Dowladda ayaa dib u dhigista maxkamadeyntiisa shalay ku sheegtay in la isla sugayey maxkamadeynta 22 xubin oo ka tirsanaa Ikhwaanul Muslimiin oo uu ku jiro madaxii Kooxdaan Madax Badiic.

Sannadkii 2012kii ayaa loo doortay madaxweynaha Masar, ka dib markii xukunka laga tuuray Maxamed Xusni Mubaarak.

Waxaa xilka laga tuuray sannadkii 2013kii oo militariga ay markale maamulka la wareegeen.

wuxuu u tartamay xildhibaan inuu noqdo sanadkii 2000 ilaa 2005tii.

Xisbiga Ikhwaan muslimiin ee xornimada iyo cadaalada ayaa u doortay inuu u noqdo hogaamiye kacdoonkii bishii Janaayo 2011 kadib.

June 11, 2019

Farmaajo oo la kulmay Ergayga Midowga Yurub u Qaabilsan dalalka Geeska Afrika

Farmaajo oo la kulmay Ergayga Midowga Yurub u Qaabilsan dalalka Geeska Afrika


Madaxweynaha Somalia, Maxamed C/llaahi Farmaajo ayaa maanta madaxtooyada ku qaabilay ergayga gaarka ah ee Midowga Yurub u qaabilsan dalalka Geeska Afrika, Alexander George Rondos oo uu weheliyo Danjiraha Midowga Yurub ee Soomaaliya Mudane Nicolás Berlanga Martinez.

Madaxweynaha iyo Danjiraha ayaa ka wada hadlay xoojinta taageerada Midowga Yurub ee Soomaaliya, gaar ahaan dhinacyada amniga, dhaqaalaha, deyn cafinta, iyo dib u habaynta garsoorka
dalka.

Madaxweyne Farmaajo iyo Danjire Rondos ayaa sidoo kale iska xog-wareystay xaaladda Gobolka iyo dadaallada lagu xoojinayo iskaashiga ku aaddan arrimaha amniga, siyaasadda iyo
dhaqaalaha ee u dhexeeya dalalka Geeska.

Agaasimaha Warfaafinta iyo Xiriirka Warbaahinta Madaxtooyada Mudane Cabdinuur Maxamed Axmed ayaa sheegay in Madaxweynuhu uu la wadaagay Danjiraha aragtida Dowladda Federaalka
Soomaaliya ee ku saleysan daris wanaagga dalalka Gobolka, iskaashiga, xaqiijinta nabadda iyo horumarka Geeska Afrika.

“Madaxweynaha ayaa uga warbixiyey Wafdiga Midowga Yurub dadaallada ku saabsan xaqiijinta amniga oo ay ugu horreeyaan dhismaha Ciidamada Qalabka Sida. Sidoo kale wax ay ka wada
hadleen arrimaha deyn cafinta oo Midowga Yurub uu kaalin mug leh ka qaato.”

Ugu dambeyn, Danjire Alexander Rondos ayaa uga mahadceliyey Madaxda Dowladda Federaalka Soomaaliya soo dhaweynta wanaagsan ee ay u fidiyeen isaga iyo wafdigiisa, waxa uuna sheegay in ay ku gacan siinayaan Dowladda sugidda amniga iyo dib u habeynta caddaaladda oo tiir dhexaad u ah qorshe hawleedka Xukuumadda.

June 09, 2019

Raiisal Wasaare Khayre oo la kulmay Danjiraha cusub ee Midowga Yurub

Raiisal Wasaare Khayre oo la kulmay Danjiraha cusub ee Midowga Yurub


Ra’iisul Wasaaraha Xukuumadda Federaalka Soomaaliya (XFS) mudane Xasan Cali Khayre iyo danjiraha cusub ee Midowga Yurub ee Soomaaliya, Nicolás Berlanga Martinez, oo ku kulmay Muqdisho ayaa ka wada hadlay xoojinta xariirka midawga Yurub iyo Soomaaliya iyo dardar gelinta mashaariicda midawga Yurub ay ka fuliyo Soomaaliya.


Safiirka midawga Yurub ee Soomaaliya ayaa Ra’iisul Wasaaraha uga mahad-celiyay soo dhawaynta ballaaran, waxa uuna ballan qaaday in uu ka shaqayn doono dardar gelinta mashaariicda ay dalka ka wadaan iyo xoojinta xariirka laba geesoodka ah.

Ra’iisul Wasaare Xasan Cali Khayre ayaa midawga Yurub uga mahad celiyay taageerada ballaaran ee la garab taaganyihiin shacabka iyo dowladda Soomaaliyeed.

Dhanka kale Ra’iisul Wasaaraha ayaa guddoomiyay shir ay kasoo qayb galeen taliyaha booliska, saraakiil sare oo ka tirsan Booliiska Soomaaliya iyo Safiirka cusub ee Midawga Yurub kaas oo looga hadlay horumarinta booliiska Soomaaliyeed.


Midawga Yurub ayaa Soomaaliya ka taageera dhinacya badan oo ay kamid tahay tababarrada ciidamada Booliiska si sare loogu qaado awoodda iyo xirfadda sugidda amniga mawaadiniinta.

June 08, 2019

Madaxweyne Ku-xigeenka Puntland oo Kulan La Qaatay Guddiga Gurmadka Fatahaadaha Roobka

Madaxweyne Ku-xigeenka Puntland oo Kulan La Qaatay Guddiga Gurmadka Fatahaadaha Roobka


Kusimaha Madaxweynaha dowaldda Puntland, Ahna Madaxweyne Ku-xigeenka Mudane Axmed Cilmi Cismaan Karaash ayaa kulan la qaatay Guddiga Gurmadka Fatahaadaha Roobka. Guddigan oo ka shaqaynaysa waxkaqabashada waxyeeladii fatahaadaha Roobabkii da’ay ay gaysteen, kuwaas oo tan iyo markii la magacaabay Juun 02 2019 shaqo badan ka qabtay waddooyinkii go’ay.

Afhayeenka Madaxtooyada dowladda Puntland Jaamac Yuusuf Jaamac Dabaraani ayaa ka warbixiyey kulanka.

“Kulanka oo uu shir Guddoomiyey Kusimaha Madaxweynaha, Ahna Madaxweyne Ku-xigeenka Mudane Axmed Cilmi Cismaan Karaash waxaa la isla wadaagay xogta ilaa iyo haatan waxyaabihii qabsoomay, sida waxlooga qabtay waddooyinkii roobabku gooyeen oo loo sameeyey waddooyin qaab dhismeed kumeel gaar ah leh, si isu socodka gaadiidku si toos ah ugu socdo” 
ayuu yiri Afhayeenka Madaxtooyada dowladda Puntland Jaamac Dabaraani.

Madaxweyne Ku-xigeenka dowladda Puntland Mudane Axmed Cilmi Cismaan Karaash ayaa bogaadiyey dedaalada wax ku oolka ah ee ay qabteen guddigu iyo siday har iyo habeenba ugu heelanyihiin u adeegidda shacabkooda, waxaana uu kula dar-daarmay inay sii laba jibbaaraan shaqadaasi, ayna joogteeyaan kormeerka waddooyinka sida kumeel gaarka ah loo dhisay iyo qiimayn guud oo ay ku sameeyaan guud ahaan wadada.

June 03, 2019

Gudoomiyaha Liverpool: Philippe Coutinho Wuu Ka Shalaynayaa In Uu Ka Tagay Liverpool

Gudoomiyaha Liverpool: Philippe Coutinho Wuu Ka Shalaynayaa In Uu Ka Tagay Liverpool


Gudoomiyaha kooxda Liverpool ee Tom Werner ayaa rumaysan in uu Philippe Coutinho ka shalaynayo in uu ka tagay kooxda Liverpool kuna biiray kooxda Barcelona intii lagu jiray suuqii January ee 2018.

26 jirka reer Brazil ayaa ku biiray Biiray Barcelona isaga oo ugu biiray lacag dhan 160 Milyan oo Euro isaga oo sheegay in uu qaadayo talaabo muhiim ah oo xirfadiisa ah si uu ugu guulaysto koobab uu ugu horeeyo champions League.

Laakiin xiddiga ayaa ku dhibaatooday in uu isku muujiyo kooxda Barcelona haatan diyaar u yahay in uu isaga tago kooxda si uu ugu biiro koox uu si joogto ah ugu ciyaaro xilli ciyaareedka dambe.

Tom Werner oo la hadlaya Liverpool Echo ayaa yidhi”Waxa aan sheegi doonaa sheekada Philippe Coutinho”.
“Kaliya waxa aan hayaa wax fiican oo aan ka sheego Philippe Coutinho, laakiin waxan u malaynayaa in uu uga tagay Liverpool si uu ugu ciyaaro kooxaha reer Spain”.
“Waxa aan isku daynay in aan ku qancino in ay kooxdu ku socoto wadada saxda ah waliba uu ka qayb qaadan doono habeeno champions League oo taariikhi ah hadii uu sii joogo Liverpool”.

“Waxan u malaynayaa in uu haatan ka shalaynayo go,aankii uu Kaga Tagay Liverpool”.
Sawiro : Kooxda barcelona oo soo bandhigatay maliyadeeda cusub ee Xili Ciyaareedka 2019-2010

Sawiro : Kooxda barcelona oo soo bandhigatay maliyadeeda cusub ee Xili Ciyaareedka 2019-2010


Ciyaartoyda kala duwan ee kooxda barcelona ee ka ciyaarta horyaalka spain ee la liga  ayaa usoo bandhigay taageerayaasha dunida maaliyada cusub ee ay ku ciyaari doonto kooxdooda xili ciyaareedka soosocda ee 2-19/2020.

maaliyada cusub ee lasoo bandhigay ayaa ah mid si ka duwan siyaabihii hore mid loo naqshadeeyay