Dugsi malaha
qabyaaladi waxay dumiso mooyaane.
C/laahi
Suldaan Timacade
Wax qabiil
ka daran jahanamaan qiray aqoontayda.
Qadartaana iga
hiilisee qolo ma sheegteene.
Abshir Bacaadle
Astaqfirullah
eebbow adaan ahay adoonkaa.
Nuur Siciid Naxar
Qof kasta oo dareen masuuliyadeed iyo damiir wanaagsan leh
oo la socda sooyaalka taariikhda, iyo waayaha soomaalida iyo kuf oo kacii
bulshada soomaaliyeed soo martay ,isla markaana jecel samaanta iyo horumarka
dadka soomaaliyeed iyo higsigooda dadyowga hor u dhaqaaqa ah
waxa hubaal ah in aanu ku faraxsananayn ifafaalaha muuqda ee isa soo taraya oo ku
salaysan isla cudurkii qabyaaladda ee
burburiyay waxqabadkii soddon sano oo dawladnimo ahayd iyo weliba
labaatan sano oo ka danbaysay oo wadankii noqday hoyga geerida,gaajada ,kufsiga
, barakaca iyo nacaybka(waa qayb taariikhda gashay oo sheekooyinkeeda leh)
Saddexdaas abwaan ee aan tixahooda ku furfurtay oo aan Allah
uga baryayo naxariis iyagoo wada hormaray ayaan garashadooda heerka ay
gaarsiisnayd iyo welwelka ay qabeen waagoodi la yaabaa hadday joogi lahaayeen manta
meesha qabyaaladii la marayso soomaalida ilowga badan ee dhibkooda iyo hoogooda
gardaadinaya iyagoo aanba u kala harin.
Maxamed Muuse Axmed