Qaar ka mid ah Shacabka Degmada Baargaal ee Gobolka Gardafuu Puntland ayaa waxaa ay ilaa shalay ilaa Maanta dhigayeen banaanbaxyo cabasho ah ay uga soo horjeedaan xukun dil toogasho ah iyo xabsi 20 sano ah oo Maxkamada Ciidamada Qalabka sida ee Puntland dhaliyaro yaryar ah oo aan aan wax cadayn kaafi ah lagu hayn lagu xakumay .
Shacabka ayaa sheegay in dhalinyarada la xukumay xukunkoodu yahay mid xaqdaro ah, oo isla markaana Madaxda Puntland aysan u cadaalad falin Shacabka degan deegaannada kala duwan ee Puntland.
Qaar ka mid ah dadka banaanbaxa dhigayay ayaa waxaa ay sheegeen in uu sharci darro yahay xukunka lagu riday dhalinyaradaas,waxaana ay ka dalbadeen madaxwaynaha Puntland , Ku xigeenkiisa , iyo golaha wasiirada iyo maxkamada sare inay dib uga noqdaan xukunadaas oo ay sheegeen in ay yihiin kuwo cadaada ka fog
Banaanbaxaayasha ayaa wadooyinka magaalada Baargaal socdaal ku dhexmaray ayagoo ku dhawaaqayay oraahyo ay ku muujinaayaan sida ay uga xun yihiin xukunadaasi xaqdarada ah ee lagu xukumay dhalinyaro yaryar ah
