Warar caawa soo baxay ayaa sheegaya in magaalada Muqdisho laga helay kiisas cusub oo la xiriira cudurka Coronavirus.
Wasaarada caafimaadka Somalia ayaa sheegtay in maanta oo Isniin ah laga helay cudurka dad gaaraya 73 qof.
“Maanta Isniin ah waxaa cudurka laga helay dad cusub oo tiradoodu gaareyso 73 qof kuwaasoo 51 ka mid ah ay yihiin rag, halka 22 kalena ay yihiin dumar, waxaa ka bogsaday cudurka 1 qof, mid kalena waa uu u geeriyooday” ayaa lagu qoraal caawa saqdii dhexe ee caawa ka soo baxay Wasaarada
Dadkan oo ah kuwii ugu badnaa ee maalin kaliya laga helo cudurka Coronaviris ayaa tirada guud ee dadka cudurka qaba Somalia oo dhan waxay ka dhigeysa 237 qof inta laga warqabo.
Wasaarada Caafimaadka Xukuumada Somalia ayaa horey u sheegtay in kiisaska cudurka ee laga helayo dalka ay sare u sii kaceyso maalinba maalinta ka dambeysa, loona baahan yahay shacabka iney ku dhaqmaan talooyinka ka hortaga ah si yareeyo faafida cudurkan.