FG: Xiddigta dhexe waxay kala soocaysaa meerisyada anan isla socon.
Joogaaga dheer iyo,
Xibnahaaga jalaqsani,
Jalleecada kalgacalka leh,
Jaahaaga quruxda leh,
Timahaagan jiifee,
Miskahaaga joogiyo,
Dhexdan taako lagu jaray,
Jirkaagaan xariirta ah,
Jaad samida codkaagiyo,
Qosolkaaga jilicsani,
Jaanqaadka socodkiyo,
Jiijiidka laafyaha,
Kama jeesan karayoo,
Waan kugu jidboodee,
Wax i jiidanaayoo,
Qalbigayga jiiraa,
Kugu jiro jamaal badan,
Jooharad miyaa tahay,
Misa jawhar luulkiyo,
Dheeman dahab lasoo jaray,
Jeenigaaga ii dhiib,
Jannadii aduunkiyo,
Beeraha jacaylka ah,
Farxad igula soo joog,
Markay ku arkaan indhuhu,
Eegmada kaama weeciyaan,
Afkuna erayada kalgacal,
Waxan ahayn kuma ortee,
Oraahdaaday dhaguhu,
U xiisaan had iyo jeer,
Intaad iga maqantuhuu,
Qalbigu i ilmaynayaa,
Oonkaa iga bixi lahaa,
Hadaan kula aqal galee,
Hadaad ubad ii dhashana,
Nicmaan ku ildoogsan laa,
Aduun waa ayaan quroo,
Eebbaa loo laabaniye,
Allow yaad aakhirana,
U noqotaa xawralcayn !
...
* Hadalkaaga wacan laabta buu, iga haleelaaye,
* Hamigayga wuu xoojiyaa, soo han kiciyaaye,
* Qalbigana hinqaarkuu dhigaan, harki la guuxaaye,
* Sidi Aar hal dilay baan saqdhexe, arar hinraagaaye,
* Haybadaad u dhalatuu dihnigu, haykal ka hayaaye,
* Haasaawahaagaa i baray, hadallo waawayne,
* Hablahana adoo kale rag baa, hayb ku xulayaaye,
* Hadal suuban hadiyiyo qoraal, habka ugu doorran,
* Habooney hadaad ila rabtoo, haatan i su'aashay,
* Wax kastoo ad iisoo hurtaa, waan ka helayaaye,
* Habeenkaan aroos wada galnana, kaba hamuun wayne,
* Hambalyiyo salaan iga gudoon, farxad ku heeraaran,
***
* Habooney macaanto,
* Hadal kuma dhamayn karo,
* Xiisaha an helayiyo,
* Hamuuntaan dareemiyo,
* Intaan kuu hilooboo,
* Hadaan kuu imaadana,
* Halis waxaan u galayaa,
* Hab inaan kusiiyoo,
* Kugu haysto laabtee,
* Hadba waxan ka yaabaa,
* Inaad Horor imoodiyo,
* Axad laga haboon yahay,
* Anna caashaq ba ihelay,
* Oo hawada ila galay,
* Hadaan yara hilmaamoo,
* Hab kusiiyo inanyahay,
* Haygu nicin waxan dhigo,
* Hawlo iga tan wayn buu,
* Wadnuhu ila higleeyaa,
* Markaan helo naftaadee,
* * *
Maxaad iga dhex heestoo,
Ruuxii dhaqaaqaba,
Dhooley ku moodoo,
Dhinicii an eegaba,
Dhabtii ii sawirantoo,
Dhac iyiri wadnuhuyoo,
Dhegahayga maqalkana,
Dhegeysteen codkaagoo,
Dhambaal haatuf ii sido,
Malahayga soo dhacay,
Dhuuxiyo lafaha iyo,
Dhabti waxaad ku sugan tahay,
Dhamaan unugyadaydoo,
Dhagdhagtii wadnaha iyo,
Dhaqaaqii jirkaa tahay,
Socdaalkayga dhiigiyo,
Malab dhuunta marayoo,
I dhex qaadayaa tahay,
Yaa dhabtaada seexdoo,
Dhoola kaqosolkaagiyo,
Dhaayaha kalgacalka leh,
Indhahaaga dhowrtoo,
Ka bogsoodo dhaawaca,
Caashaqaagu igu dhigay,
Dharaarradi cidlada ee,
Xiisaha ku dheehnaa,
Dhabanaha qurxoon iyo,
Bishimahaaga dheeha leh,
Yaa kaa dhunkado oo,
Dhexdaada yar ku duubmoo,
Dhab kusiisto laabtoo,
Dhadhankaaga muudsado,
Kula dheelo inanyahay,
❇ Haduu saxar yari ku gaaro,
❇ Naftaydu si baan noqdaaye,
❇ Intaan saacado ku waayay,
❇ Maxaan sanad mooday leylka,
❇ Xanuunka ku saaqay maanta,
❇ Muxuu salal igu abuuray,
❇ Hadaan simaney awoodo,
❇ Inaan kaa soo wareegsho,
❇ Intaan aniga isa saaro,
❇ Ayaan kori lahaa sariirta,
❇ Sirtaydi dul keenay miiskoo,
❇ Wadnuhu way suuxayaaye,
❇ Inaan sidi Qays habaabo,
❇ Ayaan ku sigtaa dareenka,
❇ Aduun waa saxal wareegoo,
❇ Ayaanba si buu noqdaaye,
❇ Adoo ii soo qoslaayo,
❇ Maxaad farxad igu salaantay,
❇ Maxaan suugaan macaan iyo,
❇ Sarbeebo jacayl wadaagnay,
❇ Siyaadada xiisaheenna,
❇ Maxaan soddon jeer is eegnay,
❇ Inaan la sinneyn dadkoo dhan,
❇ Kalsooni maxaad isiisay, ...
❇ Adoo sabar muujinaayo,
❇ Qur'aan ku saliig jirkaaga,
❇ Allaha caafimaad kusiiyee,
❇ Sadkaaga ka yeel adkaarta,
Ilays shumac baxaayiyo,
Iftiinkii nalkaa tahay,
Ubax soo dilaacoo,
Aroor joogo baa tahay,
Neecow udgoon iyo,
Saxansaxo ayaa tahay,
Afar iyo tobnaad iyo,
Dayax ololayaa tahay,
Garaad aaqil sare iyo,
Dhal ugaas ayaa tahay,
Boqortooyo aadmiga,
Kuwiin edeb lahaa tahay,
Riyadii an sugayaay,
Intee baad ku sugan tahay!
Simaneey jacaylkeenu,
Waa sida daruuraha,
Soo da'ay barwaaqada,
Saxansaxo udgoon buu,
Sidi roob ku arartaayoo,
Caashaq lala simaan jirin,
Suugadiisu waa farax,
Iyo socod wadaagoo,
Waxaan sahal u eegaa,
Dhankaad iiga sugan tahay,
Markaasaan sirteenii,
Siiyaa kalsoonida,
Oo hadana sidaydii,
Siman adiga mooyee,
Waxaan horay u soo maray,
Saban-saban kolay tahay,
Ayaan sahal ilaawaa,