marka Duubabkeena waxaa maalmahan saaran culays badan oo dhinac walba ah , waana la dareemi karaa , marka maxaa laga sugaayaa inay duubabkeenu ku doortaan qofka buuxinaaya booska xildhibaanka .
Waxaan Duubabkeena Sharafta Mudan kula Talinaynaa in Qofka Ay u dooranaayaan Xildhibaan matalaaya Deegaanka uu noqdo qof wax ka yaqaan sharci dejinta iyo la xisaabtanka dawladda oo akhriyi kara fahmi karana qawaaniinta iyo nidaamka dawliga ah ee ka dhexeeya seddexda waaxood ee Fulinta, Sharcidejinta iyo Garsoorka, baran kara oo horumarin kara aqoontiisa la xiriirta barlamaanka.
waxaa kale oo aan Duubabkeena Sharafta leh kula talinaynaa in ay iska ilaaliyaan in ay xildhibaanka ku doortaan qaabka {reer hebel} maxaa yeelay Sida keliya ee loo rabaa reer ahaan waa in degmo waliba maamulka guud ka tirsanaato oo saamigeeda iyo hawlaheeda wax u difaaca ama ka hadla u hesho waayo degmooyinkeena ayaa ku saalaysan qabiil , waana sida hadaan anigu maqnay , walaakay baa ii jooga.
waxaan kaloo duubabkeena sharafta mudan kula talinaynaa in qofka ay xildhibaanka u dooranaayaan uu noqdo shakhsi khibrad iyo aqoon leh , kuna sifoobay bulshada dhexdeeda run , cadaaladd,wax qabad, codkarnimo,dad-wedid leh, hogaan adag, maskax furan, samir badan, aakhlaaq qoys iyo mid qofeedba leh, Nin Alle ka cabsi leh, naxariis badan oo u damqada dadka liita ,,sifooyinkaas cidda ugow dhow ku dadaala duubabkeenowinaad u doorataan jegadaas.
ugu danbayn ogaada duubabkeenow in qof kasta oo qaangaar ahi masuul ka yahay ilaah hortiis iyo bulshadaba go'aan kasta oo uu qaato , Marna ma banaana in lagu andacoodo waa ley amray.
Waxii talooyin oo intaasi dheer waxaan u banaynaayaa akhristayaasha Sharafta leh ciddi haysa ama rabta inay gaarsiiso duubabkeena sharafta mudan , waxay ku qori qaraan qaybta hoose ama waxay noogu soo diri karaan
Email : baargaal@gmail.com
Shabakada Baargaal.net
Faalooyin ka turjumaaya Guuxa Bulshada deegaanka