War qoraal ah oo ay soo saareen Ciidamada iran ayaa lagu sheegay in burcad badeeda soo weerartay labada doonyood ay wateen ilaa 21 saxiimadood waxayna ka yimaadeen xeebaha Soomaaliya ayagoo ku weeraray doonyaha meel 85 ama 100 km koonfur ka xigta magalada Cadan ee dalka Yemen.
War saxaafadeedka ayaa lagu sheegay in kooxda 44 ee ciidamada badda iiraan ay si xoog ah ugu fureen rasaas kooxo Burcad Badeeda ayna ku guulaysteen inay ka hortagaan weerarkooda
War saxaafadeedka ayaa intaasi ku daray in maraakiibta dagaalka ee Iran intii ay ilaalada ka hayeen xeebaha gacanka ay ku guulaysteen inay badbaadiyaan in ka badan 3 kun oo maraakiib ganacsi iyo kuwa shidaalka qaada oo laga leeyahay dalka Iran iyo dalal kale.
Dhinaca kale dalka iran ayaa kamid ah dalalka kaalinta koowaad kaga jira doonyaha xaalufka ba'an ku hayaha xeebaha soomaaliya iyagoo ka wada kaluumaysi sharci daro ah oo loo aaneeyo inay sabab u tahay weerada burcad badeeda
SHABAKADA BAARGAAL.NET
isha wararka Horrumarka Calbari
Baargaal@gmail.com