Shabakadda Wararka MI AyAa Sheegtay iIN Markab Lagu Qabtay Gacanka Persian-Ka Oo Ay La Socdaan 11 Shaqaale Ah Oo Naaftada Tahriibinayey
Ilaalada Kacaanka Iran ayaa Sabtidii shaaca ka qaaday in ay u suurtagashay in ay gacanta ku dhigaan markab shisheeye oo sida naaftada laga soo tahriibiyay biyaha Khaliijka.
Ahmad Hajian, Taliyaha Ilaalada, ayaa la sheegay in 11 ka mid ah shaqaalaha markabka la xiray. Hase yeeshee, ma uusan bixin wax tafaasiil ah oo ku saabsan dhalashada iyo aqoonsiga markabka.
Telefishinka dowladda Iran oo soo xiganaya Hajian ayaa xusay in baaritaan lagu sameeyay in ka badan 150,000 oo litir oo naafto ah oo la tahriibiyay.
Wakaalada wararka ee Fars ayaa baahisay muuqaalo muujinaya sida doonyaha dheereeya ay isku dayayeen in ay ka hortagaan markabka, waxaana la arkayay ilaalo hubeysan oo wajiyada soo duubtay oo fuulaya.
Iran waxay haysataa shidaalka ugu jaban adduunka, iyada oo ay ugu wacan Tahay hoos u dhac ku yimid lacagteedii qaranka iyada oo la dagaalamaysa cunaqabataynta Maraykanka, Iran waxa ay isku dayday in ay ka hortagto shidaalka laga soo tahriibiyo dhulkeeda ee kloo tahriibiyo dalalka deriska ah iyo iyada oo loo sii marayo dalalka Khaliijka Carabta.