September 16, 2018

Waraysi:  Gudoomiyaha Gobolka Gardafuu : Kaluumaysatada Gobolka waxa ay qaati ka taagan tahay Doonyaha Jariifka ah ee laga leeyahay Yaman iyo Iiraan

Waraysi: Gudoomiyaha Gobolka Gardafuu : Kaluumaysatada Gobolka waxa ay qaati ka taagan tahay Doonyaha Jariifka ah ee laga leeyahay Yaman iyo Iiraan


Guddoomiyaha gobolka Gardafu Maxamuud Axmed caynab oo Waraysi gaar ah siiyay Warsidaha Puntlandi.com ayaa sheegay in ay wali xeebaha gobolka Garadafuu ee Puntland ay ka jiraan kalluumaysiga sharci darrada ah , waxaana uu Sheegay in wadada kaliya ee kalluumaysga sharci darada lagu soo afjari karo ay tahay in dhalinyarada deegaanada laga howlgaliyo xeebaha gobolka si ay uilaaliyaan khayraadka gobolka.

Gudoomiyaha ayaa sheegay in kaluumaysato badan oo ka shaqaysan jirtay xeebaha Puntland shaqadooda inta badan ay u joojiyeen dhibaatooyinka ay kala kulmaan doonyaha jariifka ah

Gudomiaya ayaa shegay in doonyahan intabada laga leeyahay wadamada Yaman iyo Iiraan, kuwaas oo si sharci daro ah uga kaluumaysta gobolka .

Wasaarada kaluumaysiga ayuu ugu baaqay in cabashada kaluumaysatada ay wax ka qabato.

Xigasho: warbaahinta Puntlandi

Halka Ka dhagayso warasiga gudoomiyaha 
SAWIRO: FAARAX CALI SHIRE OO SI RASMI AH UGU DHAWAAQ INUU YAHAY MUSHARAX MADAXWEYNE #PUNTLAND

SAWIRO: FAARAX CALI SHIRE OO SI RASMI AH UGU DHAWAAQ INUU YAHAY MUSHARAX MADAXWEYNE #PUNTLAND


Murashaxa Madaxweynaha Puntland ee 2019 Dr. Faarax Cali Shire ayaa maanta Daahfuray Ololihiisa Doorashada, wuxuuna si rasmi ah u iclaamiyay inuu u taaganyahay qabashada xilkaas

Munaasabad ka dhacday xarunta Nasashada ee Rays oo ay kasoo qaybgaleen, Siyaasiyiin, Isimo, Culimaa’udiin, waxgarad, haween iyo Dhalinyaro ayaa murashaxu kaga hadlay waxqabadkiisa iyo Barnaamijkiisa siyaasadeed.

Dr. Faarax Cali Shire ayaa shaaciyay inuu wax ka qaban doono arrimaha dhaqaalaha, amniga, siyaasadda, Garsoorka, Dhismaha ciidanka, hirgalinta nidaamka Dimuqraadiyadda, la dagaallanka Musuqa iyo hormarinta adeegyada asaasiga ah gaar ahaan; Caafimaadka iyo Waxbarashada.

“Safaradda aan dalka dibadiisa ku tegey, xog-ogaalnimada iyo aqoonta aan u leeyahay Puntland dal iyo dibadba waxay i siinayaan awood iyo kalsooni aan Puntland wax kaga qaban karo, oo dib-u-dhis iyo dib-u-habayn ugu samayn karo,” ayuu yiri Faarax Cali Shire.

Dr. Faarax Cali Shire wuxuu sheegay in hadii uu xilkan ku guulaysto inuu Puntland wax badan ka qaban doono islamarkaana uu dib u habayn ku samayn doono nidaamka hadda oo uu ku sifeeyay Madax ka nool, wuxuuna xusay inuu shaqo abuur u samayn doono dhalinyarada, sidoo kale mushaharka u kordhin doono ciidamada iyadoo laga dhaafayo canshuuraha laga qaado.

Murashaxa ayaa sidoo kale ballanqaaday inuu dhammaystiri doono mashaariicda muhiimka ah ee hadda qabyada ah gaar ahaan; Wadada Ceel-daahir, Eyl iyo Dangoroyo, Garoonka Galkacyo, Wadada Kalabayr – Qandala – Caluula iyo ballaarinta Dekedda Bosaaso.

Khudbadda Murashaxa oo aad u dheerayd wuxuu kaloo kusoo hadal qaaday dowladda iminka talada haysa gaar ahaan Madaxweyne Gaas oo uu sheegay in xukuumaddiisu ahayd fadhiid aan waxba qaban, wuxuuna ugu baaqay in mudada u harsan uu ku diyaariyo sidii dalka ay uga dhici lahayd doorasho.

Dhinaca kale qaar kamid ah Siyaasiyiintii kasoo qaybgalay kulanka oo uu ku jiro Guddoomiyihii hore ee Barlamanka Puntland, Siciid Xasan Shire ayaa bogaadiyay murashaxnimada Faarax Cali Shire.
Waxay ugu baaqeen waxgaradka iyo Isimadda soo xulaya Xildhibaanada inay soo saaraan dad aqoon leh oo waddanka u horseedi kara hogaamiye waxqabad leh.

Faarax Cali Shire oo horay usoo noqday wasiirkii Maaliyadda xukuumaddii hore ayaa muddo ku sugnaa magaalada Bosaso halkaas oo ay soo dhaweyn ballaaran ugu sameeyeen shacabka Magaalada iyo guud ahaan gobolka.







September 15, 2018

Sawiro: Nin soo xirtay dharka dumarka lana baxay Farxiya oo la qabtay

Sawiro: Nin soo xirtay dharka dumarka lana baxay Farxiya oo la qabtay


Ciidamada Hay’adda Nabad suggida Qaranka qeybtooda degaanada maamulka Jubbaland ayaa gacanta kusoo dhigay nin xirnaa dharka dumarka,  kaasoo ku sugnaa Magaalada Kismaayo ee gobolka Jubbada Hoose.
War kasoo baxay NISA ayaa lagu sheegay in Ciidamada Ammaanka xog ay heleen ay sahashay in ninkaan gacanta lagu soo dhigo, islamarkaana hadda ay ku waddaan baaritaano.
Ninkaas ayaa Saraakiisha ciidankada Nabadsugida Jubbaland waxa ay sheegeen in uu sidoo kale la baxay Magaca Farxiyo Ok, isla markaana Guri ku yaalla Magalada Kismaayo laba habeen uu la seexday laba dumar ah sida ay hadalka u dhigeen.
“Ciidamada Nabad Sugida Jubbaland ayaa xaley Gacanta Kusoo dhigey Nin Iska Dhigey Haweeney Lana Baxay Magaca Farxiyo Okey” ayaa lagu yiri hadalka kasoo baxay NISA.
Sidoo kale waxaa lagu yiri ” Ninkan Naagta Isku Ekeysiiyay ayaa Laba Habeen laseexday Guri ku yaala Xafadaha magalada kismaayo oo ay Daganayen Laba dumar ah kuwaas oo uu u sheegay In ay soo dhuntay ayna Garaneyn meel ay Tagto Baritaan kadibna waxa Gacanta ku soo dhigey Sirdonka NISA-Jubbaland”.




September 14, 2018

WAR DEG DEG AH: Labo qof oo lagu dilay Boosaaso iyo xog kasoo baxaysa

WAR DEG DEG AH: Labo qof oo lagu dilay Boosaaso iyo xog kasoo baxaysa


Boosaaso labo nin ayaa goordhoweydto lagu dilay aaga Huurse-2, kooxdii dilka geystay ayaa baxsaday.
Saraakiil ka tirsan Dowladda ayaa warbaahinta u xaqiijiyey dilka, balse weli si rasmi ah uma aysan shaacin magacyada labada nin.
Labad nin ee la dilay mid ka mid ah ayaa macallim ka ahaa Iskuulka Towfiiq ee ku yaalla aaga Raxma, magaaladda Boosaaso.

DAAWO: Socdaalkii Qaaradaha Ee Ololaha Doorashada Musharaxa Madaxweynaha Puntland Dr. Faarax Cali Shire Oo U Talaabaya Goboladda Puntland.

DAAWO: Socdaalkii Qaaradaha Ee Ololaha Doorashada Musharaxa Madaxweynaha Puntland Dr. Faarax Cali Shire Oo U Talaabaya Goboladda Puntland.



Musharaxa u loolamaya xilka doorashadda Madaxweynaha Puntland ee sanadka 2019 Dr. Faarax Cali Shire wuxuu dib ugu soo laabtay dalka 10ka bishan September 2018 isagoo ka soo degay garoonka diyaaradaha ee magaaladda Boosaaso.
Waxaa guud ahaan gobolka Bari si weyn looga soo dhoweeyey Musharaxa Madaxweyne Dr. Faarax Cali Shire iyadoo soo dhoweyntiisa ay ka qayb qaateen qaybaha bulshadda ku dhaqan gobolka Bari, wuxuuna Ololihiisa doorashada xilka Madaxweyne ee sanadka 2019 uu kaga dhawaaqayaa  15 Agoosto.
Hal-kudhigga  Ololaha doorasahda ee Dr. Faarax Cali Shire ayaa ah “RUN IYO RAJO” wuxuuna socdaal qaatay mudo dhowr bilood ah ku soo kala bixiyey waddamo badan oo ay ka mid yihiin Australia, Waqooyiga Ameerika, Kanada, Imaaraadka Caraabta, iyo Cumaan..
Hal-kudhigga  Ololaha doorasahda ee Dr. Faarax Cali Shire ayaa ah “RUN IYO RAJO” wuxuuna socdaal qaatay mudo dhowr bilood ah ku soo kala bixiyey waddamo badan oo ay ka mid yihiin Australia, Waqooyiga Ameerika, Kanada, IMaaraadka Caraabta, iyo Cumaan..
Wuxuu kaloo gaaray waddamo ku yaal Qaaradda Yurub oo ay ka mid yihiin Ingiriiska, Norway, Holland iyo waliba waddamo ku yaal qaaradda Afrika oo ay ka mid yihiin Saanbiya, Kenya iyo Ugaandha iyo Kenya.
Waddamada uu musharuxu booqday ayaa qaar ka mid ah waxaa casumaad ugu fidiyey Jaaliyadaha Puntland eek u dhaqan waddamadaas, kuwaasoo isugu jiray Aqoonyahanka, Ganacsatada iyo Waxgarad.
Waddamadda uu Musharuxu booqday ayuu wuxuu kala soo kulmay soo dhoweyn ballaaran oo u muujisay sida qiimaha leh ee bulshada Puntland u daneynayaan inuu wax ka bedelo dibudhaca Puntland ee dhinaca maamulka ka heysto.
Dadka arrimaha Siyaasadda falanqeeya ayay ula muuqataa in Dr. Faarax Cali Shire  uu xal u noqon karo isbedel siyaasadeed ee ka hana qaada  guud ahaan Puntland.
Minneaplis, USA
Dr. Faarax Cali Shire wuxuu ka hor jeediyey Jaaliyadaha Puntland ee ku soo dhoweysay meelo ka duwan oo daafaha caalanka ka mid ah  khudbado taariikhda galay oo kiciyey shucuurtooda, waxaana ka mid ah tii uu Bishii February 2018 ka jeediyey magaaladda Minneapolis ee dalka Mareykanka, wuxuuna ku baaqay in uu si buuxaada u soo celin doono midnimadii reer Puntland, dagaalna uu ku qaadi doono musuqmaasuqa, isla markaasna uu hirgelin doono nidaamka Asxaabta badan ee ku dhisan Dimoqraadiyada;-
Halkan ka daawo.:-
(Khudbadii Farax ee Minn)

Mudadii uu joogay dalka Mareykanka ayaa Musharaxa Madaxweyne ee Puntland Dr. Farax Cali Shire wuxuu booqday Baarlamaanka gobolka Minneapolis, halkaasoo uu kula kulmay Xildhibaanad Ilhaan Cumar oo ah gabar Soomaaliyeed oo ka mid ah Golaha Sharci dejinta ee gobolka Minneapolis,  waxaana Xildhibaanada Baarlamaanku u sare kaceen markii uu Musharuxu uu gudaha u galay Baarlamaanka isla markaasna Xildhibaanda Ilhaan Cumar ay ku dhawaaqday inuu la joogo Musharax Faarax Cali Shire oo u tartamaya xilka Madaxweynaha Puntland, waxayna Xildhibaanadu iyagoo taagan ay sacab ku soo dhoweeyeen Musharaxa.
DAAWO:-


Kanada
Bishii Marso 2018 Wadamadda uu booqashada ku tegay Musharax Dr. Faarax Cali Shire ayaa waxaa ka mid ah dalka Kanada halkaasoo uu  kula kumay soo dhoweeyn aan horay uga dhicin dalka Kanada, waxaana hoolkii soo dhoweynta lagu soo bandhigay suugaan xiiso iyo micneba yeelatay oo lagu soo dhoweeyey Musharax Dr. Faarax Cali Shire
Daawo:
Mudadii uu Dr. Faarax Cali Shire joogay dalka Kenada ayaa wuxuu la kulmay qaar ka mid ah Jaaliyada ku dhaqan dalkaas, kuwaasoo si weyn ugaga hadlay in la gaaray xiligii isbedelka laga sugayey maamulka Puntland, maadaama aan mudo 20 sanadood ah wax badan ka qabsoomin riyadii shacabka ee aheyd in la gaaro doorasho qof iyo cod.
Daawo:-
England; London.
10kii bishii September 2017kii ayaa Musharax Faarax Cali Shire wuxuu safar ku tegay dalka Ingiriiska, gaar ahaan magaaladda London, halkaasoo ka mid aheyd waddamadii ugu horeeyey ee uu ka bilaabay ololihiisa musharaxnimada, wuxuuna xiligaas si taxadar leh u muujiyey inuu ku jiro han siyaasadeed, balse uusan si cad u soo hadal qaadin musharaxnimadiisa “ Dadka waxay leeyihiin Faarax waa musharax oo halkan ayuu ka sheegayaa………16 bilood  ayaa inaga xigta, laakiin Faarax haddii uu wax is bido maalintaas ayuu imaanayaa” ayuu yiri Dr. Farax Cali Shire
Daawo: 
Africa.
Haddii aynu Qaaradda Afrika dib u jaleecno safarkii Musharax Dr. Faarax Cali Shire ayuu wuxuu socdaal ku tegay dhowr waddan oo ay ka mid ahaayeen waddamada Ugaandha, Kenya iyo Saambiya.
Jaaliyadda Soomaalida uu ku dhaqan waddanka Ugaandha ayaa si diiran waxay u soo dhoweeyeen Musharaxa Madaxweyne Faraax Cali Shire, waxaana uu shirar la yeeshay qaybaha bulshda Jaaliyadda Puntland.
Sambiya
Wuxuu kaloo 5tii Agoosto booqasho ku tegay dalka Sambiya; magaaladda caasimada ah ee Lusaka, waxaana loogu soo dhoweeyey si aad u wanaagsan, waxaana xaflad lagu sharfayo Musharax Faarax Cali Shire lagu qabtay Hoteel Red son Blue oo ku yaal magaaladda Lusaka ee waddanka Zanbiya.
Ganacsatada Puntland eek u dhaqan waddanka Zanbiya ayaa waxay fududeeyeen in Musharax Dr. Faarax Cali Shire ay ku cusumeen inuu yimaado dalka Zambiya.
Mustafe Cumar Axmed oo ka mid ah Ganacsatada ku dhaqan waddanka Zambiya oo ku hadlay codka ganacsatda ayaa sheegay in Puntland ay 20 sano jirsatay ayna u baahan tahay halka ay taagan tahay ruux horay uga sii dhaqaajiya.
Waxaa iyaguna halkaas suugaan iyo buraanbur halkaas ka soo jeediyey dumarka ku dhaqan Sambiya ee Jaaliyadda Puntland.
Halkan ka daawo:-
Ugandha:-
26kii June ayaa Musharax Faarax Cali Shire wuxuu booqday Jaaliyadda Soomaaliyeed eek u dhaqan waddanka Ugaandha.
Jaaliyadda reer Puntland oo halkaas ku qabtay munaasibad ay ku soo dhoweynayaan Musharaxa ayaa waxaa isugu yimid rag macag weyn ku leh dalka Ugaandha, gaar Ganacsatada waaweyn ee dalkaas ku nool oo ka soo jeeda deegaamada Puntland.
“Faarax waa ku baasay Putland, Wasaarad wuxuu soo qabtay aad u qaab daran, koley aniga haddii la ii dhiibo aanan yeeleen, marba Wasaaradda maaliyadda qofku haduu ku baaso oo ilaa iminka aan la hayn guri uga dhisan Dubay iyo ……….Haddii ninkaani Madaxweyne noqdana guryahaas ma sameyn doono” Sidaas waxaa yiri nin ka tirsan Ganacsatada waddanka Ugaandha.
Ugudanbeyntiina Dr. Faarax Cali shire oo hadal u jeediyey Jaaliyada Puntland ee dalka Ugaandha ayaa sheegay in xiligan ay Puntland haysato fadhiidnimo siyaasadeed “Puntland siyaasadda madhaleys ayay ka noqotay, waxaa laga rajeynayey inay joogto heer Xisbiyo badan, heer tayo wax lagu doorto, heer dadku maskaxdooda tuujiyaan oo ay soo saaraan qofka ugu fiican” ayuu yiri Dr. Faarax.
Wuxuuna yiri “Puntland ku ceebeysan tahay, cid walbaana waa ogtahay siyaasduna halkaasay ka fashilantay, waxaa daciiftay midnimadii lagu dhisay, dadka kalsoonidiisii baa dhuntay, amnigii baa dhumay”
Wuxuu kaloo sheegay haddii aysan jirin wax tartamaya oo wax saxaya, balse qofkii Madaxweyne noqda la ag fariisto oo la yiraahdo yey meeshu inaga dumini ha joogee iska daaya, qofkuna wuxuu doono sameeyo dowladduna ay noqoneyso Madax ka nool.
Amniga, ladagaalanka Musuqmaasuqa iyo kobcinta ilaha dhaqaalaha ayuu ku sheegay Musharax Madaxweyne ee Faarax Cali Shire inay noqon doonaan waxyaabaha ugu horeeya ee uu diirada saari doono haddii Alle u garto inuu Madaxweyne ka noqdo Puntland..
Daawo:
Kenya.
29kii Agoosto 2018 Musharaxa Madaxweynaha Puntland Faarax Cali shire wuxuu magaaladda Nayroobi kaga qayb galay shir ay ku marti gelisay Safaaradda Mareykanka ee Soomaaliya u fadhida Magaalada Nayroobi, “The Charge’ d’Affaires of the Mission of the Unite States of America to the Federal Republic of Somalia”.
Dr. Farax Cali Shire ayaa wuxuu noqday Musharaxa keliya ee ka tirsan musharixiinta Puntland ee ka qayb gala munaasibadaas, waxaana ay dadka siyaasadaha falanqeeya ku tilmaameen tallaabo muujineysa heerka ay gaarsiisan tahay hufnaanta siyaasadeed ee Bulshadda Caalamku ka aaminsan yihiin Musharax Madaxweyne Dr. Faarax Cali Shire

Dr. Faarax Cali Shire wuxuu kaloo socdaalkiisii qaaradaha ku soo kala bixiyey waddamo ka tirsan dowladdaha Khaliijka Carabta oo ay ka mid yihiin Dalka cumaan iyo Imaaraadka Carabta, waxaana Jaaliyadaha Soomaalida ee ku dhaqan waddamaas ay u muujiyeen Dr. Faarax inay hiil iyo hooba la garab taagan yihiin sidii uu u noqon lahaa Madaxweynihii ugu horeeyey ee Puntland ka sameeya isbedel dhinacyo badan leh.
Soo Laabashadii Dr. Faarax ee dalka Hooyo.
10 Sept., Subaxnimo Isiin ah, Tobbankii barqanimo ayaa diyaarad khaas oo siday Musharaxa Madaxweynaha Puntland Dr. Faarax Cali Shire iyo wefdi la socday ay ka soo degeen garoonka diyaaradaha ee magaaladda Boosaaso.
Garoonka gudihiisa waxaa subaxaas ku sugnaa Kumanaan ka kooban qaybaha Bulshadda kuwaasoo sugayey soo dhoweynta Musharax Faarax Cali Shire.
Daawo.
Ugudanbeyntii.
Musharax Madaxweyne Dr. Faarax Cali shire ayaa Saddexdii maalmood ee uu joogay magaaladda Boosaaso waxaa guriga uu degan yahay ku qulqulayey dadweyne aad u fara badan, kuwaasoo uu la yeeshay kulamo gooni gooni ah.
Maalmaha soo socda ayaa la rajeynayaa in Musharuxu u dhaqaaqi doono safar dhinaca dhulka ah oo ku kala bixin doono degmooyinka iyo goboladda Puntland.
D H A M A A D.

September 12, 2018

Mashruuca” #waxbar carruurta Soomaaliyeed” oo ay maalgalinayso dawlada #Qatar oo #Garoowe laga daah-furay

Mashruuca” #waxbar carruurta Soomaaliyeed” oo ay maalgalinayso dawlada #Qatar oo #Garoowe laga daah-furay


Wasaaradda waxbarashada iyo tacliinta sare ee dowladda Puntland ayaa maanta Garoowe ka daah-furtay barnaanij lagu magacaabo”waxbar carruurta Soomaaliyeed” oo lagu caawinayo carruurta ka soo jeeda qoysaska saboolka ah ee aan awoodin in ay waxbarashada ka bixiyaan ubadkooda,gaar ahaanna dadka ay saamaysay abaartii dalka soo martay.
Mashruucan oo ay ka faa’idaysanayaan in ka badan 11 kun oo arday danyar ah,ayaa waxaa maal-gelinaysa dowladda Qatar,waxaana fulintiisa leh hay’adda Mercy Corps,iyadoo mashruucu ka shaqeyn doono saddexda gobol ee kala ah;Mudug,Nugaal iyo Karkaar ee Puntland,sida ay sheegtay  wasaaraddu.
Maxamed Cabdi Xaaji oo ka tirsan hay’adda Mercy Corps ee mashruucan fulinaysa oo ugu horrayn faahfaahin ka bixiyay barnaamijka,ayaa sheegay in mashruuca ay hoggaanka u hayso wasaaradda waxbarashada Puntland,halka hay’addiisuna ay si buuxda uga fulin doonto degaannada loo qorsheeyay,si looga faa’ideeyo ardayda ka soo jeeda qoysaska aan awoodin in ay lacagta iskuulka ka bixiyaan carruurtooda.
Dhinaca kale agaasimaha guud ee wasaaradda waxbarashada Puntland,Maxamed Cali Faarax(Farmayeeri) oo munaasabadda hadal kooban ka jeediyay,ayaa sheegay in wasaaraddu ay ku guulaysatay soo celinta hay’adda Mercy Corps oo in mudda ah ka maqneyd arrimaha taageeridda waxbarashada Puntland,isagopo hay’adda ku ammaanay kaalinta ay kaga jirto horumarinta waxbarashada dalka.
Agaasimaha ayaa sidoo kale sheegay in mashruucan ballaaran uu qeyb ka yahay qorshe ay wasaaraddu ku doonayso in ay dib iskuulada ugu celiso in ka badan 30 kun oo arday ka soo jeeda qoysaskii abaartu samaysay ee awoodi waayey in ay carruurtooda waxbarashada ka bixiyaan.
Ugu dambeyntii, wasiirka waxbarashada iyo tacliinta sare ee dowladda Puntland Pro. Abshir Yuusuf Ciise oo si rasmi ah mashruuca u daahfuray ayaa sheegay in mashruucan uu daboolayo baahida waxbarasho ee ardayda ka soo jeeda qoysaskii ay saamaysay abaartii”SIMA” iyo kuwa kale ee duruufaha dhaqaale u saamixi-waayeen in ay waxbarashadooda sii wataa.
Wasiirka oo hadalkiisa sii wata ayaa tilmaamay in mushruucan uu door weyn ka qaadanayo baahinta waxbarashada as’aasiga ah ee degaannada Puntland,islamarkaana xilligii loo baahnaa ku soo aaday.




September 11, 2018

Daawo: Musharax Madaxwayne Faarax Cali Shire oo Boosasao si wayn loogu soo dhaweeyey

Daawo: Musharax Madaxwayne Faarax Cali Shire oo Boosasao si wayn loogu soo dhaweeyey



Magaalada Boosaaso ee xarunta Gobolka Bari waxaa lagu soo dhaweyey musharax Madaxweyne Faarax Cali Shire  oo ka mid ah musharixiinta u taagan xilka madaxtinimda Puntland 2019.
waxaana soo dhaweyntiisa ka qeyb galay Maamulka Gobalka Bari,nabadoono , cuqaal ,qaar ka mid aha Saraakiisha ciidamadda dawlada iyo bulshada qeybaheeda kale duwan.
Dadweynihii so dhaweeyey musharaxa ayaa waxa ay uga hortageen Garoonka diyaaraaha Boosaaso ,waxaana halkaasi uu musharaxa ugu gacan qaaday dhammaan dadkii ku soo dhaweeyay magaalada.

Musharax Faarax Cali Shire ayaa waxa uu la hadlay dad weynihii ka qeyb galay soo dhaweyntiisa, waxa uuna sheegay in uu aad ugu faraxsan yahay soo dhaweynta  uu kala kulmay magaalada Bosaso islamarkan uu kulamo la yeelan doono bulshada inta uu joogo Bosaso.
Soo dhaweynta loo sameeyey Musharax Madaxweyne Puntland Faarax Cali ayaa si weyn looga dareemay magaalada Bosaso waxaana la filayaa in uu shir gaar ah la yeesho waxgaradka,nabadoonada, haweenka iyo qeybaha bulshda ku dhaqan magaalada Bosaso
4




September 10, 2018

Baargaal : Musharax Xildhibaan Abuukar Indhacade  oo Qado Sharaf u Sameeyey waxgarad iyo cuqaal

Baargaal : Musharax Xildhibaan Abuukar Indhacade oo Qado Sharaf u Sameeyey waxgarad iyo cuqaal


Qado Sharaftan Uu Musharaxa Xilka Barlamaanka Puntland Abuukar Axmed Yuusuf (Abuukar Indhacade ) Uu ugu qabtay Hotel Maka Al mukarama ee Degmada Baargaal waxgarad iyo cuqaal ka tirsan Beesha Ibrahim Cabdisamad Ee beelaha aadan C/raxmaan ee Siwaaqroon Ayaa Ahayd Mid uu Kaga Dalbanayay Tagerida Beesha.

Odayaasha ,Waxgaradka Iyo Nabadonada beesha Ibraahim cabdisamad ee beelaha aadan c/raxmaan Ee Siwaqroon Oo Goobta Qado Sharafta Ka Hadlay Ayaa Waxay Taagero Iskumida U Mujiyeen Musharaxa

Musharax Abuukar Indhacade oo ahaa musharxii ugu horayeey deegaanka ee isu soo taaga kamid noqoshada xildhibaanada Cusub ee Barlamaanka Puntland aayaa horay u sheegay inuu asagu xil raadis iyo dhaaqala raadis midna ahayn waxaana kamid ahaa hadaladiisii hore markuu ku dhawaaqayay musharaxnimadiisa 3dii bishii February 2018 


Anigu xil raadis iyo dhaqaale doon midna ma ahi, ujeedadeydu waaa sidii aan dadkeyga ula qeybsan lahaa isla markaana aan wax uga qaban lahaa dhibaato kasta oo ay ku jiraan”asagoo intaasi raaciyay in haddii loo doorto kursigaasi inuu u hawl gali doono sidii ay beeshiisu u heli laheyd Xuquuq walba oo ay leedahay.

Gudaha Puntland Waxaa Ka Socda Olalaha Logu Jiro Ka Mid Noqashada Barlamanka cusub ee Puntland Waxaa Malinba Malinta Ka Danbaysa Soo Baxaya Musharaxiin u tar tamaya ka mid ahaanshaha Barlamka soomaliya.




September 08, 2018

US Navy Seizes Thousands of AK-47s in the Gulf of Aden

US Navy Seizes Thousands of AK-47s in the Gulf of Aden


More than 2,500 AK-47 automatic rifles were seized from a stateless skiff in the international waters of the Gulf of Aden at the end of August.

U.S. Navy sailors aboard the guided-missile destroyer USS Jason Dunham (DDG 109) discovered the illicit weapons shipment during counter-trafficking mission on August 28.

The Navy said 2,521 guns were confiscated from the skiff, which was determined to be stateless following a flag verification boarding conducted in accordance with international law. The origin and intended destination of the skiff have not been determined.

“As a part of our counter-trafficking mission, we are actively involved in searching for illegal weapons shipments of all kinds,” said Vice Adm. Scott Stearney, commander of U.S. Naval Forces Central Command, U.S. 5th Fleet, and the Combined Maritime Forces. “Ensuring the free flow of commerce for legitimate traffic and countering malign actors at sea continue to be paramount to the U.S. Navy and its regional partners and allies.”

Jason Dunham is deployed to the U.S. 5th Fleet area of operations in support of naval operations to ensure maritime stability and security in the region connecting the Mediterranean and the Pacific through the western Indian Ocean and three strategic choke points

The recent weapons seizure follows four major weapons seizures in 2015 and 2016 by Combined Maritime Forces and U.S. 5th Fleet assets.

In September 2015, the Royal Australian Navy's HMAS Melbourne intercepted a dhow containing 75 anti-tank guided munitions, four tripods with associated equipment, four launch tubes, two launcher assembly units and three missile guidance sets.

The second seizure, also made by the Royal Australian Navy, saw the HMAS Darwin seize nearly 2,000 AK-47 assault rifles, 81 rocket-propelled grenade (RPG) launchers, 49 PKM general purpose machine guns, 39 PKM spare barrels and 20 60mm mortar tubes from a dhow in February 2016.

In March 2016, the French Navy destroyer FS Provence confiscated almost 2,000 AK-47 assault rifles, 64 Dragunov sniper rifles, nine anti-tank missiles and six PK machine guns with bipods. Later that month, the U.S. Navy coastal patrol ship USS Sirocco (PC 6) intercepted a dhow carrying 1,500 AK-47s, 200 RPG launchers and 21 .50 caliber machine guns.

The U.K.-based investigative organization, Conflict Armament Research, studied and linked three of the caches to weapons that plausibly derive from Iranian stockpiles.

Based on an analysis of all available information, including crew interviews, a review of on board records and an examination of the arms aboard the vessel, the U.S. concluded that the arms from the four interdictions in 2015 and 2016 originated in Iran and were intended to be delivered to the Outhits in Yemen in contravention of UN Security Council Resolution 2216.





Madaxweyne ku xigeennada Puntland iyo Galmudug oo ka hor yimid Go’aanadii Shirkii Kismaayo [Akhriso]

Madaxweyne ku xigeennada Puntland iyo Galmudug oo ka hor yimid Go’aanadii Shirkii Kismaayo [Akhriso]


Laba ka mida madaxweyne ku xigeenada Maamul Goboleedyada dalka ayaa ka hor yimid go’aanadii ka soo baxay shirkii madaxda maamul Goboleedyada ee magaalada Kismaayo maanta ku soo dhammaaday.
Madaxweyne ku xigeenka Puntland C/xakiin Cumar Camey ayaa sheegay in go’aanka kasoo baxay madaxda maamul goboleedyada aanu ahayn mid sax ah. “Anigu kuma raacsani, la igala ma tashan, haddii la ila tashadana sidaas si ka duwan ayaan u dhigi lahaa.. go’aanada masiiriga ah ee noocaas oo kale ma aha mid ay shaqsiyaad qaadan karaan ee wuxuu u baahan hay’adaha sharciga ah sida Baarlamaanka” ayuu yiri C/xakiim Camey.
Dhinaca kale Madaxweyne ku xigeenka Galmudug Maxamed Xaashi Carabey ayaa sheegay in waxa ka soo baxay shirka Kismaayo aysan u dhammeyn Galmudug, ayna ka horjeedaan in xiriirka loo jaro dowladda Federaalka, isagoo caddeeyay inay la shaqeynayaan dowlada Dhexe.

Wuxuu ku eedeeyay madaxweyne Xaaf inuu si khaldan ku wado heshiiskii Jabuuti, cidda ka horjeedoo ee ku raadinaya sed-bursiga ay tahay Xaaf iyo kooxda Ahlu suna, wuxuuna meesha ka saaray in dowladda Federaalka ay faragelin ku heyso maamulka Galmudug.

September 03, 2018

Maalinta Berri Ah Oo La Shaacinayo Liiska Xubnaha Cusub Ee Golaha Deegaanka Bosaso

Maalinta Berri Ah Oo La Shaacinayo Liiska Xubnaha Cusub Ee Golaha Deegaanka Bosaso


Maalinta berri ah ayaa lagu wadaa haddii ALLE idmo in la shaaciyo liiska xubnaha cusub ee golaha deegaanka degmada Bosaso, oo maalmahan socotay qabashadiisa.

Xubnaha cusub ee golaha deegaanka ayaa waxaa ka soo dhex muuqan doona Cabdisalaan Bashiir Cabdisalaan oo ah duqa ku meel gaar ah ee degmada Bosaso, iyadoo qorshuhu yahay in uu u tartamo xilka duqa deqmada Bosaso.

liiska xubnaha golaha deegaanka degmada Bosaso ayaa ka koobnaan doona 31 xubnood oo laga soo kala xulay beelaha dega degmada Bosaso.

September 02, 2018

Sawiro: Munaasibad Lagu Maamuusayay Ardaydii Kaalmaha ugu Horreeya ka galay Imtixaanaadkii shahaadada Dugsiyada  Sare ee Puntland oo lagu qabtay Baargaal

Sawiro: Munaasibad Lagu Maamuusayay Ardaydii Kaalmaha ugu Horreeya ka galay Imtixaanaadkii shahaadada Dugsiyada Sare ee Puntland oo lagu qabtay Baargaal


waxaa Magaalada Baargaal ee Gobolka Gardafuu lagu qabtay munaasibad lagu shaacinayey furitaanka sanad dugsiyeedka cusub ee 2018/2019 , laguna abaalmarinayay ardaydii kaalmha sare  ka galay imtixaanaadkii shahaadiga ahaa ee dugsiyada sare ee Puntland  

Munaasibadan ayaa waxa ka soo qayb galay ,gudiga waxbarashada degmada  maamulka, macalimiinta, waalidiinta iyo ardayda wax ka barata iskuulada dagmada Baargaal.
ugu horaantii waxa munaasibadan ka hadlay maamulaha Dugsiga hoose Dhexe ee Bilaal macalin shaafici Yuusuf cismaan oo ka warbixiyey marxaladihii kala duwanaa ay soo mareen iskuulada Degmada Baargaal , Heerka waxbarasho ee Iskuulada iyo Horumarka ay ku talaabsadeen  iskuulada degmada  Baargaal gaar ahaan iskuulka sare ee Maxamed xuseen .

Maamulha iskuulka hoose dhexe ee Bilaal ayaa waxaa uu dardaaran  u jeediyey ardayda sanadkan dhigan doonta iskuulka , iyo kuwa u gudbay iskuulka sare asagoo kula dardaarmay inay muujiyaan dadaal iyo karti dheerad ah sidii kuwii ayaga ka horeeyay  si ay guul taa lamid ah u  gaaraan
intaasi kadib waxaa madasha ka hadlay gudoomiyaha guddiga waalidiinta dugsiyada hoose dhexe iyo sare  degmada baargaal Sheekh Bootaan Muuse  oo ka mid ah dadka sida weyn uga howlanaa kor u qaadida tayada waxbarashada iskuulada Baargaal, waxa uuna walidiinta kala hadlay in kalsooni la siiyo maamulka iskuulka iyo macalimiinta asagoo u hambalyeey ardayda darajooyinka sare keenay ee kaalmaha ka galay imtixaanaadkii shahaadiga ahaa ee dugsiyada sare ee Puntland
Sidoo kale waxa munaasibadan ka hadlay xoghayaha Degmada Baargaal Mudane siciid cawil dhuxul  oo  ku dheeraaday faa,iidada ay waxbarashadu u leedahay bulshada iyo horumarka lagu gaari karo.

waxaa sidoo kale khudbadabo looga hadlayo Ahamiyada  waxbarashada iyo dhiirigalinta ardayda ka jeediyay madasha gudoomiyaha  waxbarashada dagmada mudane c/raxmaan siciid cismaan (daacad) iyo qaar kamid ah waxgaradka iyo cuqaasha deegaanka  iyo macalimiin, waalidiin,  iyo marti sharaf kale oo badan, kuwaas oo dhamaantood soo dhaweeyey furitaanka  sanad dugsiyeedka cusub ee iskuulada degmada Baargaal iyo dadaalka uu maamulku la gaarab taagan yahay ardayda.

Ugu danbaytii waxaa abaalmarin la gudoonsiiyay labadii arday ee ugu sareeyay ardayda ka qalin jabisay Dugsiga sare ee Maxamed Xuseen ee Degmada Baargaal iyadoo la gudoonsiyeey abaalmarin katimid maamulka iskuulka sare ee maxamed xuseen iyo abaalmarin kale oo katimid RAFCO Vocational Skills training center 

sanadaha ugu danbeeyay waxaa aad u kobcaayay tayada iyo waxbarashada iskuulada iyo xarumaha waxbarasho ee ka hawl gala degmada Baargaal iyadoo dugsiga sare ee maxamed xuseen ee Degmada Baargaal ay ardaydiisa qaar kamid ah ka soo muuqdeen kaalmaha sare ee imtixaanadkii shahaadiga ahaa ee dugsiyada sare ee Puntland ayana qaar kamid ahi haleen deeqo waxbarsho 













SHABAKADA BAARGAAL.NET
ISha wararka Horumarka Calbari 
Nagala soo xiriir : Baargaal@gmail.com

August 28, 2018

MAXAABIIS SOOMAALI AH OO KA BAXSADAY XABSIYADA LIBIYA

MAXAABIIS SOOMAALI AH OO KA BAXSADAY XABSIYADA LIBIYA


Safiirka  Soomaaliya u fadhiya  Midowga Yurub,Cali Siciid Faqi ayaa Qoraal uu soo saaray ku wargeliyay Bulshada Soomaaliyeed gaar ahaan Waalidiinta caruurtooda ku xiran yihiin jeelasha waddanka Libya,in malayshiyaad ku dagaallamay magaalada Tripoli ee caasimadda dalkaasi ay xabsiyadii albaabada u fureen.



Danjiraha ayaa sidoo kale sheegay in dhalinyaradii ku jirtay Xabsiyadda Tariqu Mataar iyo Salahu Diin ay kala carareen,iyadoo qaarkood ay soo gaareen Safaaradda Soomaaliya ee dalka Libya halka kuwa maqan baadi goob loogu jiro, iyadoo hal goob la iskugu keenayo dhamaan Dhalinyarada.
“Waxaa dhamaan waalidiinta dhalinyarada ku xiran xabsiyada Libya la ogeysiinayaa in dagaal culus uu ka dhacay magaalada Tripoli, dhawr xabsi oo Soomalida ku sugneed ayaa irida loo balaqey, waxay safaarada ka shaqeynaysaa in dhalinyarada meel la isugu keeno” ayuu yiri Danjire Cali Faqi.
Sidoo kale Safiirka ayaa xaqiijiyay in Dhalinyaradii ku jirtay Xabsiga Ain Zara ay wali meeshooda ay ku sugan yihiin oo aysan ka bixin.

August 27, 2018

Todobo xisbi siyaasadeed oo laga diiwaan geliyay dalka – akhriso liiska magacyada xisbiyada:

Todobo xisbi siyaasadeed oo laga diiwaan geliyay dalka – akhriso liiska magacyada xisbiyada:


Munaasabad ka dhacday xarunta Guddiga Doorashada ayaa 7 xisbi siyaasadeed lagu diiwaangeliyay, iyagoona la guddoonsiiyay shahaadada diiwaan gelinta ku meel gaarka ah.
Xisbiyadan oo soo buuxiyey shuruudaha diiwaan gelinta KMG ah ee ku cad xeerarka iyo hab-raacyada diiwaan-gelinta xisbiyada siyaasadda ayaa waxay ku biirayaan 15 xisbi oo horay loo diiwaan geliyay.
Xisbiyada sida KMG ah loo diiwaa geliyay ayaa kala ah:-
1.  Xisbiga Shaqaalaha Soomaaliyeed
2.  Xisbiga Xorriyadda Soomaaliyeed
3.  Xisbiga Muwaadiniinta Soomaaliyeed
4.  Xisbiga Midnimo Qaran
5.  Xisbiga Dalka iyo Dadka
6.  Xisbiga Isbaheysiga Isbedeldoonka Soomaaliyeed ee XIIS
7.  Xisbiga Ileys


August 26, 2018

Boosaaso: Dab Xoogan oo Ka kacay xarun lagu keeydiyo shidaalka

Boosaaso: Dab Xoogan oo Ka kacay xarun lagu keeydiyo shidaalka


Wararka naga soo gaaraya Magaalada Boosaaso ee xarunta ganacsiga Puntland ayaa waxa ay sheegayaan in xalay uu dab ka kacay xarun lagu keeydiyo shidaalka.
Dabkaan ayaa ka kacay Xarunta shidaalka ee Puntland Petrolium oo ku dhow xarunta ciidamada Badda Puntland ee magacooda loo soo gaabiyo PSF.
Dabka oo aan si rasmi ah loo ogeeyn waxa uu ka dhashay ayaa haddana goobjoogayaashu waxa ay sheegeen in dabka uu sameeynayay qarax foostooyinka shidaalka ah.
Durba waxaa goobtaasi gaaray gaadiidka dabdamiska kuwaasi oo xalay saqdii dhexe damiyay dabkaasi kacay.
inta dabka uu socday dadka ku dhaqan xaafadaha u dhow halka dabka uu ka kacay ayaa cabsi ka muujinayay in dabka uu fido.
ilaa iyo iminka si rasmi ah looma shaacin inta uu la egyahay qasaaraha maaliyadeed ee ka dhashay dabkaasi xalay kacay walina ganacsatadii laheyd Xarunta Gubatay kama warbixin qasaaraha halkaasi ka dhashay.

August 25, 2018

Madaxweynaha Puntland oo wareegto ku Magacaabey Agaasime Waaxeedyo Wasaaradda Kalluumaysiga iyo Khayraadka Badda Puntland

Madaxweynaha Puntland oo wareegto ku Magacaabey Agaasime Waaxeedyo Wasaaradda Kalluumaysiga iyo Khayraadka Badda Puntland


Madaxweynaha dowlad goboleedka Puntland ayaa Maanta Wareegto uu soo saaray waxa uu ku Magacaabay Agaasimayaal Wasaarad ka tirsan Maamulkiisa.
Agaasimiyaasha ayaa waxaa loo kala Magacaabay Wasaaradda Kalluumaysiga iyo Khayraadka Badda Maamulka puntland.
Hoos Ka Akhriso Wareegtada oo dhameystiran.

Madaxweynaha Puntland Dr. Cabdiweli Maxamed Cali Gaas ayaa wareegto uu xafiiskiisa kasoo saaray 23 August 2018 ku magacaabay Agaasime Waaxeedyo Wasaaradda Kalluumaysiga iyo Khayraadka Badda Puntland.
Xeer Madaxweyne Lr. 110 August 23, 2018, kuna saabsan magacaabid Agaasime Waaxeedyo Wasaaradda Kalluumaysiga Iyo Khayraadka Badda Puntland.
Madaxweynaha Maamulka Puntland.
Markuu arkay: Dastuurka Puntland
Markay tixgeliyey: Aqoontooda iyo khibradooda shaqo
Waxuu Xeeriyey:
  1. Waxaa Maxamed Siciid Maxamed (Black) loo magacaabay Agaasimahad Waaxda Qorsheynta iyo Siyaasadda ee Wasaaradda Kalluumaysiga Iyo Khayraadka Badda Puntland.
  2. Waxaa Maxamed Cali Muuse loo magacaabay Agaasimaha Waaxda Kalluumaysiga iyo Horumarinta ee Wasaaradda Kalluumaysiga Iyo Khayraadka Badda Puntland.
  3. Waxaa Daahir Faarax Xuseen loo magacaabay Agaasimaha Waaxda Tababarada iyo Cilmi Baarista ee Wasaaradda Kalluumaysiga Iyo Khayraadka Badda Puntland.

  1. Xeerkani wuxuu dhaqan gelayaa markuu madaxweynuhu saxiixo, wuuna saxiixay madaxweynuhu
-DHAMMAAD-